Padre Kalixtus Kapistrano, CMF, esplika iha ninia humilia, bainhira prijidi misa sabadu alleluia iha kapela santa maria nia inan, salele bo’ot.
“Ne’e atu hatudu ba ita katak planu ba salvasaun nian ne’e la’os ba povu Israel sira no la’os ema ida ka ema rua deit maibe ba ema hotu hotu. importante ba ema ne’ebé fiar ba maromak, kuandu ita la fiar entaun ita labele hetan salvasaun, entaun leitura sira konvida ita mos atu fiar nafatin katak igreza katolika agora sei moris nafatin to’o agora, iha tinan 2024 ne’e hanesan istoria naruk depois ohin iha ita nia misa kalan ne’e parte primeiru nakukun hotu depois pas to’o Gloria ne’e mak ita iha naroman atu hatudu mai ita katak ita uluk ema tuan mais agora ita ema foun ona entaun ita tenki moris tuir espritu foun, espritu jejus moris hi’as la’os espritu mate nian, tanba agora naroman tia ona entaun ita nia hahalok no hanoin I seluk seluk tan tenke hatudu katak agora ita ema foun ema moris iha naroman nia laran la’os iha nakukun nia laran” Padre Kalixtus Kapistrano, CMF, haklaken iha Humilia ba misa sabadu aleluia iha kapela santa maria maromak nia inan salele bo’ot.
Padre Kalixtus haktenik, fiar ba na’i maromak hodi hetan salvasaun no akompañamentu hodi hala’o moris loro loron nian.
“Maibe importante mak ita sempre iha unidade ita fiar katak maromak ne’e horik nafatin ho ita no mos fo salvasaun mai ita hotu, wainhira ita fiar ba nia ita husu nai maromak atu akompaña ita, tulun ita iha moris aban bainrua nian, tanba moris aban bainrua ne’e maske ita planu mos dala ruma la hanesan ho maromak nia planu, entaun buat ne’e akontese seluk, tia maibe ita fiar katak maromak sei tulun ita nafatin hasai ita husi nakukun laran ba iha naroman laran entaun ita mos tenke moris tuir naroman ne’ebé Maromak haraik mai ita” nia haktenik.
Entretantu Selebra Misa Sabadu Aleluia ne’e iha Kapela Santa Maria Maromak nia inan Salele Bo’ot prejidi husi Padre Kalixtus Kapistrano CMF, Parisipa husi Madre no Sarani sira Husi kapela Ai-Oan, Kapela Wetaba, no Kapela Salele Bo’ot
Jornalista : Moichung
Editor : Chamot Nahac
