Prezidente Komisaun ba 28 Novembru Postu Tilomar, Maria Fatima, hatete Postu Administrativu Tilomar hetan apoiu fundus finanseiru ho montante dolar Amerikanu atus hitu lima nulu ba Komemorasaun loron Proklamasaun ba dala 48 no dolar amerikanu atus rua lima nulu hodi organiza tomada pose ba xefe eleitu ho nia konsellu suku sira.

“ita hetan osan husi Ministerio Administrasaun Estata hamotuk $1000, $750 ne’e isar da bandeira nian no $ 250 ba tomada de pose membru konsellu suku eleitu sira nian, ita mos hetan fundus adisional, kontrinuisaun husi jogu tradiosional sira hanesan futu manu, kuru kuru no bola guling atu poiu ba atividade ida ne’e husi suku hat kada suku $ 100.” Esplika Xefe Komisaun organizadora Maria Fatima ba RCCT.

Atual Xefe Suku Maudemo ne’e dehan ho orsamentu ne’ebé iha sei hodi hala’o atividade bo’ot rua maka hanesan isar bandeira nasional no pose ba membru konsellu suku eleitu sira, tan ne’e maka preparasaun komisaun iha Postu Tilomar preparadu ona hahu husi inisiu halo enkontru, limpeza no atividades sira seluk.

“ Ba Komemorasaun 28 Novembru ne’e ita iha Atividade bo’ot rua mak hanesan serimonia isar da bandeira no mos Tomada Pose ba membru konsellu suku eleitu sira” Katak nia.

Entertantu ba selebrasaun 28 novembru ba dala 48 no atividade pose ba membru konsellu suku eleitu sira iha Tilomar la’os deit hetan fundus husi governu mesak maibe hetan mos fundus adisional husi jogu tradisionais sira hanesan Bola Guling (bola duir) no hetan kontribuisaun husi suku 4, kada suku apoiu osan ho montante dolar Amerikanu atus ida ($100).

Jornalista : Moichung

Editor       : Chamot Nahac