 |
| Letrato: Prezidente Komisaun Organizador ba Selebrasaun 28 Novembru iha Postu Administrativu (PA) Fatumea, Eugenio do Rego |
Prezidente Komisaun Organizador ba Selebrasaun 28 Novembru iha Postu Administrativu (PA) Fatumea, Eugenio do Rego hatete komemorasaun loron 28 Novembru iha tinan ida ne’e, laiha atividade animasaun tanba tempu la to’o ba komisaun atu organiza.
“Ba tinan ne’e Fatumea hala’o deit serimonia isar bandeira hodi komemora loron Proklamasaun 28 de Novembru ba dala 48, ami prepara deit tenda bainhira hasa’e bandeira kontinua ho serimonia ba tomada posse ba Xefe Suku no Aldeia Xefe Aldeia no mos delegada no delgadu sira ne’ebé foin lalais eleitu iha eleisaun suku, maibe atividade hodi anima Komunidade ba selebrasaun ida ne’e laiha tanba tempu ba ami laiha, so prepara tende deit” informa Prezidente Komisaun Organizador ba Selebrasaun 28 Novembru Postu Fatumea, Eugenio do Rego jornalista sira iha Postu Fatumea, Kuarta (22/11/23).
Nia dehan tinan ida ne’e komisaun prepara deit tenda ba atividade komemorasaun 28 Novembru no tomada pose ba xefe suku, xefe aldeia no delegada no delgado sira ne’ebé eleitu iha eleisaun suku foin lalais ne’e.
“Ha’u hanesan prezidente komisaun Organizador Postu Administrativu Fatumea ba preparasaun 28 Novembru no preparasaun ba tomada posse ba xefe suku eleitu ho estrutura tomak, tanba ne’e ami komisaun hahu iha loron 21 hahu halo preparasaun servisu hamutuk, prepara ba atividade ne’ebé ami temi hanesan ba komemorasaun loron independensia 28 Novembru ba dala 48 no ba tinan ida ne’e iha teritoriu Timor laran tomak espesial iha Fatumea prepara mos tomada de posse ba xefe suku, xefe aldeia inklui delegada no delgado sira ne’ebé foin lalais eleita iha eleisaun” nia esplika.
Prezidente Komisaun Organizador Postu Administrativu Fatumea hatete orsamentu ba komemora 28 Novembru no serimonia omada pose, Fatumea hetan orsamentu ho montante dolar Amerikanu rihun ida ($ 1.000).
“Ba Fatumea hetan apoiu orsamentu ba komemorasaun 28 Novembru ho montante hamutuk dolar Amerikanu atus hitu lima nulu ($ 750), depois orsamentu ida tan apoiu husi estadu pose ba xefe suku eleitu sira ho montante dolar Amerikanu atus rua lima nulu ($250) tan ne’e Fatumea hetan apoiu orsamentu ho montante dolar Amerikanu rihun ida” Prezidente Komisaun informa.
Entertantu ba tinan ida ne’e Timor-Leste sei selebra loron Proklamasaun independensia 28 Novembru ho atividade ida seluk maka fo pose ba Oragaun suku sira ne’ebé kompostu husi; xefe suku, xefe aldeia, delegada no delgadu ne’ebé eleitu iha eleisaun inklui joven feto no mane ne’ebé sei akontese iha teritoriu Timor laran tomak.
Jornalista : Julio Salinas
Editor : Chamot Nahac
