Covalima (RCCT) 25-09-23–Organizasaun Arte Marsias AIKIDO husi Japaun estabelese ona sentru treinamentu iha Salele, Suku Maudemo, Postu Administrativu Tilomar, Munisipiu Covalima.

Sekretaria Jeral Organizasaun Arte Marsiais AIKIDO TL Francisco Barudu, hatete primeiru vez estabelese sentru treinamentu iha Salele, Covalima Salele hodi fasilita pratikante sira atu foku ba treinamentu ka atividade AIKIDO ninian

“Ne’e hanesan preimeiru etapa, ne’ebé estabelesementu hotu organizasaun ida ne’e, sentru treinamentu ida ne’e, ne’ebé ohin ami hahu loke hela deit depois kontinuasaun responsabilidade iha ne’e mak hatene, no treinamentu ida ne’e ami hakarak hahu husi labarik sira” informa Sekretaria Jeral Organizasaun Arte Marsiais AIKIDO TL Francisco Barudu ba jornalista sira hafoin remata lansa estabelesementu orhanizasaun Aikido iha Salele.

Barudu haktuir ba futuru sei habelar hotu ba iha munisipiu sira seluk tanba durante ne’e loke deit no munisipiu Covalima maka foin primeiru ves, no organizasaun ida ne’e hetan apoiu orsamentu husi governu Ministeriu Juventude Desportu ho Komisaun Regulador Arte Marsiais.

“Tuir programa governu nian liu husi Ministeriu Juventude Desportu liu husi KRAM ho tan Konfederasaun desportu sira nia programa ne’e organizasaun desportu sira ne’ebé mosu ona Timor liliu ba federasaun saida deit nia tenke habelar ninia klubu ka sentru treinamentu ho assoasiasaun ne’e ba to’o munisipiu hotu, durante ne’e ami lao hela iha Dili deit ne’e ami hahu husi Suai no ba future ami sei loke ba munisipiu hotum organizasaun ida ne’e lao tanba hetan apoiu orsamentu husi governu” nia dehan

Segundu Komandante Eskuadra Tilomar Arcanziu Doutel hatete parte polisia pronto fo apoiu seguransa ba organizasaun AIKIDO bainhira hala’o nia treinamentu ba membru sira iha ranting ida ne’e.

“Ami perontu oferese an atu fo seguransa ba oan ka alin sira bainhira halo treinu iha sentru ida ne’e ami agradese tebes, tuir loloos ohin komandante eskuadra maka mai partisipa maibe tanba komandante sei iha enkontru ida tanba ne’e hau hanesan segundu komandante mai reprezenta hodi partisipa iha serimonia ida ne’e” nia hatete.

Unidade Servisu Postu Administrativu Tilomar, Ministeriu Juventude Desportu Arte no Cultura José Quintão Amaral, hato’o votus parabens ba organizasaun arte marsiais AIKIDO ne’ebé instala ona ranting iha Postu Tilomar, tan ne’e ba future sei servisu hamutuk ho juventude desportu, autoridade seguransa no parte hotu hodi transforma membru sira sai modalidade desportivu ne’ebé kualidade.

“Hanesan reprezenta Ministeriu Juventufe Desportu Arte no Kultura hato’o parabens no benvindu ba orhanizasaun arte marsiais AIKIDO ho nia memvru tomak ne’ebé instala tan ona ninia ranting ka sub-ranting mai iha Postu Tilomar, Suku Maidemo, Aldeia Besak-Oan, no ba oin servisu hamutuk juventude desportu, autoridade seguransa, parte veteranus, inan aman sira ita servisu hamutuk para bele habelar organizasaun ida ne’e no ita bele transforma alin sira sai hanesan modalidade desportivu ida no bele promove sir aba iha nivel nasional no internasional” nia dehan.

Entertantu Organizasaun Arte Marsiais AIKIDO loke nia ranting iha Munisipiu Covalima iha Postu Administrativu Tilomar tanba hetan lisensa no hetan apoiu orsamentu husi governu no KRAM, organizasaun ida ne’e estabelese iha Aldeia Besak-Oan, Suku Maudemo, Postu Administrativu Tilomar, membru ne’ebé involve iha organizasaun ida ne’e hamutuk ema na’in 60 resin maibe foin iha na’in 20 resin maka hetan ona fardamentu organizasaun nian.