Covalima (RCCT) 16-09-23–Hafoin Autoridade sira iha Covalima Kompostu husi, Servisu Municipal Jestaun merkadu no turizmu,Serve, Tributariu, MCI, Inspesaun Jeral, PNTL no CCI ne’ebe hetan konfiasa husi Admnistrador Munisipiu Covalima hodi halo opersaun konjunta hodi halo pasa rebista ba kareta sira mak tula sasan sasan importadu ne’ebe tama mai Covalima husi Malaka Indonesia liu husi Fronteira Postu Integradu Salele, ekipa konjuta deskobre sasan importadu balu la tuir lista faktura importasaun.

Iha pasa rebista ne’e, Ekipa konjunta deskunfia no konsege prende kareta fuzo 4, maibe kareta 2 mak tula sasan importadu ne’ebe konsidera ba elisito kontra bandu no iha sasan balu mak latuir lista faktura importsaun.

Komandante PNTL Covalima Superintende Polisia, Calisto Gonzaga klafika ba jornalista sira sabado ne’e iha nia knar fatin dehan Kareta Fuzo 4 ne’e rua tama mai husi Malaka no rua husi atambua Indonesia.

“ita hanoin to’o iha diskunfia, maibe wainhira ita halo operasaun, ita prenda kareta fuzo hat nebe maka mai husi Indonesia, rua mai husi malaka, rua mai husi atambua, sasan sira ne’e ita nia kompana ka importer covalima oan sira mak order mai ho kareta hat, nufim kareta rua mak ita rabista hamnotuk ho CCI, sasan sira ne’e tuir duni proposta nebe sira husu atu hatama taxa ba ita nia estadu, rua seluk ita rabista, ida tula plastiku besik 90 sakas, ne’ebe ita nia estadu proibidu atu tama mai tanba ho medida jero plastiku, kareta ida fali tula bebidas hanesan Fanta ho Jus nebe enkaxa kareta ne’e hotu, portantu ne’e elisito kontra bandu” Komandante PNTL Covalima Superintende Polisia, Calisto Gonzaga klafika, Sabado (16/) iha nia servisu Fatin

Komandate Munisipiu ne’e fundamenta, simu ona relatoriu husi ekipa konjuta konaba atividade pasa rebista, nune’e iha segunda semana oin sei halo partisipasaun ba mnisteriu publiku nudar nain ba kazu ne’e hodi bele hatene konaba elisitasaun kontra bandu ne’e.

Komandante ne mos dehan sei la intrega kareta fuzo rua nebe polisia asegura hanesan evendensia ne’e ba kareta na’in wainhira seidauk iha despaixu husi prosesu ne’e.

“Konaba prosesual ne’e, CCI ho ita nia ema sira iha terenu hatama retario mai ona, depois ita sei halo partisipasaun ba Ministeriu publiku hanesan na’in ba kazu atu bele hatene ka iha konesimentu konaba ellisito kontra bandu ida ne’e, ita konsege Prende kareta fuzo bo’ot rua, sasan sira nakonu iha leten ita halo aprensaun, maibe kareta rua ne’e hau la intrega wanhira seidauk iha despaixu ruma husi prosesu ne’e,to’o iha finalidade, to’o hetan ona despaixu it abele intrega ho sasan sira ne’e atu kanaliza ba ne’ebe, kareta ne’e hanesan evidensia hodi mobiliza sasan elisito kontra bandu ne’e husi nasaun id aba nasaun ida seluk,” Tenik Komandante PNTL Covalima Superintende Polisia, Calisto Gonzaga .

Komandate ne’e dehan sei intregasa kareta ne’e hamotuk ho sasan sira ne’ebe hatam husi Indonesia mai Covalima liu husi fronteira postu integradu salele nebe laiha lista faktura atu selu taxa ba estadu.

Antens ne’e iha Sexta (15/09) kalan haleu oras tuku 08, wainhira remata tiha halo inspesaun iha Kompana Komprende nia Armazen iha Kamenasa, Ailoklaran durante loron rua, hahu Kinta to’o Sexta ba katera hat maibe kareta rua mak tula sasan kontra bandu inklui sasan ba laiha lista faktura ne’e Prezidente CCI Covalima, Jose do Rego Carvalho, manifesta razaun halo inspesaun konjuta ne’e tan konsidera emprezariu estranjeiru sira halo invazaun bo’ot ba emprezariu lokal sira iha Covalima no mos CCI Covalima deskunfia ema estrajeiru liu liu husi Indonesia uja visto turista mai halo negosiu iha Covalima.

“CCI halo inspesaun tan deit iha tinan barak ona akontese hahlok sira hanesan ne’e, ema Indonesia tama mai ho pasaporte vistu turis halo negosio iha Covalima, ida ne’e ami la aseita, Segundu importador sira husi Indonesia hodi sasan tama mai fa’an direta, la liu husi ami, sira diretamente ba to’o iha postu, Suku, Aldeia, pior liu tan mak sira tama to’o komunidade nia uma, ida ne’e invazaun bo’ot, tan ne’e mak CCI halo inspesaun ne’e atu para bele hatur hirak ne’ e lao tuir lei ne’ebe vigor” katak Prezindente CCI Covalima Jose do Rego Carvalho ba jornalista sira.

Ekipa Konjunta halo inspesaun ba Kareta rua ne’ebe tula sasan tama husi Fronterira Postu Integradu Salele Mak hanesan: Toronto ho nia matrikula DH. 8**4 JB tula sasan husi Indonesia Tama Covalima ho kompaña na’in mak : Naran Kompaña : CV. F***K RAI MALAKA. Kompaña ne’ebe simu sasan mak D***Y ME***US UNIP Lda.

Kareta tronto ho nia matrikula DH. 8**4 tula sasan mak hanesan nebe’e hatama tuir INVOICE e PACKING LIST No. 041/CV.FRM/IX/2023 maka hanesan tuir mai:

KIKO kilograma (kg)5 ho Quantidade kaixa 800, Semen TONASA 40kg saka 750, Rundup 1x 12 (20Kg) Kaixa 40, NOXONE 1X 20 (20 Kg) Kaika 15, Ban Luar Motor IRC 275-17 3kg iha pesas 40, Ban Luar Mobil (Kareta) SWALLOW 550-13 (8Kg) ho kuntidade pesas 30, Tengki Stainles 2000 L (550 Kg) 2, Permen Tamarin (1Kg) Kaixa 200, Kopi Jahe (4kg) Kaixa 150, Superstar Chocolate (2kg) kaixa 15.

Nune’e, Ekipa konjuntu ne’ebé halo inspeksaun iha terenu deskobre katak sasan balu liu/menus maka mak la tama iha lista faktura (Packing List) no mos konsidera ba elisito kontra bandu maka: Sementi TONASA iha lista faktura saka 750 maibe kareta tula deit saka 550, menus 200 saka, Plastiku saka 90 la iha lisensa importa (PEB), KIKO Kaixa 241 laiha PEB, RUNDUP 1×12 kaixa 10 laiha PEB, 10 kaixa, Permen Tamarin kaixa 50 laiha PEB, Superstar Chocolate kaixa 5.

Toronto ho nia matrikula DH. 8**4 JB tula sasan husi Indonesia Tama Covalima ho kompaña na’in mak : Naran Kompaña : CV. F***K RAI MALAKA.

Nune’e mos kareta Toronto ka Fuzo ho nia matrikula E.9**0 AD, ula sasan husi Indonesia Tama Covalima ho kompaña na’in mak :CV. AS T***S .

Kompaña ne’ebe simu sasan mak L****S L*Z Lda.UNIP Lda. Kareta tronto ho nia matrikula DH. E.9**0 AD tula sasan mak hanesan nebe’e hatama tuir INVOICE e PACKING LIST No. 000078/CV.AT/IX/2023 maka hanesan tuir mai:

Semen TONASA (40kg) saka 500, Masimidar/Gula Pasir (50kg) saka 100, Besi Ulir (13mm) lolon 50, Aquase (600ml) kaixa 500, Makanan ringan kaixa 200, Lesplan hamotuk kaixa 150, Ekomie kaixa 140, Mie Sedap kiaxa 200, Top Capucino kaixa 200.

Ho ida ne’e mak, Ekipa konjuntu ne’ebé halo inspeksaun iha terenu deskobre katak sasan liu/menus maka hanesan

tuir mai: Sprite kaixa 251, Fanta kaixa 227,Kiko Kaixa 200 la tama iha PEB, Mie Sedap Kaixa 48 La tama iha PEB, Ekomie Kaixa 1 La tam aiha PEB.

Entretantu Inspesaun ka operasaun ne’ebé ekipa konjunta halo, hodi pasa rebista ba kareta fuzo ka tronto 4 ne’ebé tula sasan importadu tama husi fronteira postu integradu salele ne’e, halo durante loron rua Uza Armazen kompaña Komprende nian iha Suku Kamensa, hahu kinta (14/09) to sexta (15/09) semana.