Diretór Exekutivu ONG, Joventude Inovativu, Filipe de Jesus, husu ba professor sira atu kuñese loron Loron internasional ba Profesores hanesan espesial.
“Loron Internasional Profesores ne’e hanesan loron espesial ba Profesores sira hotu iha Mundu tomak liuliu Profesores iha Timor-Leste ,nune’e kada tinan ita sempre selebra loron internasional ida ne’e maibe observasaun ne’ebé mak ita iha katak selebrasaun sira hanesan ne’e sempre akontese iha nivel nasional entaun Profesores sira ladun hatene los sira nia loron espesial ho nune’e ita hili eskola Sekundaria Jeral Publika Suai ne’e intesaun ida atu hakbesik informasaun ba Profesor atu bele rekuñese sira nia loron Espesial sira” Diretór Exekutivu ONG, Joventude Inovativu, Filipe de Jesus, dehan.
Mestri iha Escola, Café Suai, João Jose, hateten Profesor barak mak seidauk hatene konaba loron Internasional ba Manorin sira ne’e.
“Profesor barak mak la partisipa iha fatin ida ne’e, maibe ha’u hakarak atu di’ak liu ne’e konvida mos Profesor sira seluk bele mai partisipa iha loron internasional ba Profesor nian ida ne’e, ha’u hato’o informasaun ida ne’e tanba ha’u hatene katak loron Internasional Profesor nian importante tebes para Profesor sira mos hatene katak sira didika sira nia tempu hodi hanorin alunus sira atu sai matenek maibe ohin loron Profesor barak mak ema la tau importansia ba Profesor sira, entaun liu husi Selebrasaun ida ohin ne’e importante atu nune’e ami Profesores sira mos bele hatene informasaun klean liu tan ba ida ne’e no ohin loron nemos ko’alia konaba oinsa Profesor sira bele hala’o sira nia kanar nu’udar Profesor oinsa sira hatene sira nia dever hanorin alunus atu sai ema ne’ebé mak di’ak no inovativu” João Jose, hatete.
Entretantu iha Selebrasaun loron Internasional Profesores iha Munisipu Covalima ne’e realija iha salaun Eskola Sekundaria Jeral Publika Suai, Partisipa husi Profesores no estudante sira iha Munisipiu Covalima
Jornalista:Moichung
Editor : Chamot Nahac
