COVALIMA—-Diretór Nasionàl Orsamentu no Jestaun Finansas Ministériu Saúde, Miguel Maria, hateten kampaña nasional integradu imunizasaun rutina ba vasina PCV, vitamin A, aimoruk kontra lumbriga no imunizasaun Covid-19 ne’ebe hala’o iha teritoriu laran tomak ne’e realiza tanba hetan apoiu finanseiru husi parseiru dezenvolvimentu sira hanesan Organizasaun Mundial Saude (OMS) no UNICEF ho montante purvolta $ 120.000.00 mill.
“Ba kampañia ida ne’e hau labele jatene total orsamentu ba kada Munisípiu hira maibe ba Covalima kuaze rihun $ 30 ida hanesan ne’e, para atu asegura ita nia kampaña bele lao ho diak, maibe ba munisipiu hotu ita hetan orsamentu parseiru sira ho montante rihun $ 120 hanesan ne’e” nia dehan ba jornalista RCCT hafoin akompaña lansamentu kampaña imunizasaun rutina ija Aldeia Asumaten, Suku Debos, Postu Administrativu Suai Kinta (12/01).
Nia afirma governu liu husi Ministériu Saúde hala’o kampaña nasionàl imunizasaun rutina ida ne’e hetan apoiu masimu husi OMS sira fo orsamentu balu para distribui hotu orsamentu ba munisipiu sira atu kampaña sira hanesan ne’e atu apoiu ba iha lojistiku sira, sosa mina, no material utiliza ba kampaña sira ne’e bele lao diak.
Governu mos liu husi orsamentu jeral estadu tinan kotuk nian transfer rihun atus tolu resin ($ 300.000.00) ba iha UNICEF para atu sosa ekipamentu vasina nian ne’ebe oras ne’e uza daudaun hodi hala’o vasina ba oan sira husi tinan 5 mai kraik iha Timor laran tomak.
“Agora dadaun ita uza orsamentu ida ne’ebe apoiu husi OMS ho UNICEF, ne’ebe atividade kampaña sei to’o 28 de Fevreiru tinan ida ne’e, signifika ita presiza orsamentu hodi sosa konbustivel, manutensaun, ba lojistika nia pelumenus pesoal saude sira tenke hemu bee iha dalan ida ne’e mak ita apoiu” nia dehan.
Nia dehan OMS No UNICEF alende apoiu orsamentu apoiu mos ekipamentu mediku sira sira hanesan daun, saringa, sira mos paoiu vasina, governu Timor-Leste labele sosa tanba bainhira governu hasai osan maka hodi sosa tanba folin karun tebes TL nasaun ki’ik kompete ho nasaun boot ne’e labele ho meus ida ne’e mak ita sosa ekipamentu sira ne’e liu husi UNICEF mak bele sosa no sira bele hatun, tan UNICEF globalmente ejiste ne’ebe governu transfere osan ba UNICEF hatama ekipamentu mediku mai.(Azu)
