.png)
Parlamentu Nasional (PN) liu husi Komisaun C ne’ebé trata Asuntu Finansas ne’e mos informa konaba alokasaun Rrsamentu Jeras Estudu (OGE-Sigla Portuguesa) mai Covalima hamtuk miliaun hitu pontu rua (7.2) maibe besik remata ona segundu trimetral, Covalima seidauk halo ezekusaun ba iha kapital menor no kapital dezenvolvimentu.
“To’o ona Covalima no husu direita Prezidente Autoridade no mos diretor munisipal sira, kargu xefia sira konaba implementasaun orsamentu jeral estadu 2024 nian, ita hatene katak total orsamentu ne’ebé aloka ba Munisipiu Covalima ho total milloens 7.2, maibe to’o ohin loron besik tama ona ba fin do segundu trimestral sira nia ezekusaun ami la inklui sira nia komitementu, atinje pursentu 26, maibe inklui komitementu bele atinje pursentu 36, maibe tuir ami nia hare sira nia ezekusaun sei ki’ik oan triste liu maka kapital menor no kapital dezenvolvimentu to’o ona atu final de juñu sira seidauk ezekuta ninia taxa ezekusaun ne’e zero” informa Prezidente Komisaun C Cedalizia Faria dos Santos.
.png)
“Iha mos programa balu ne’ebé ami nota, programa ba area urbana nian ne’ebé ohin iha esplikasaun katak sira hasoru hela problema barak liliu ba iha estrada rurais maibe orsamentu ne’e ninia ezekusaun foin maka pursentu 11, ki’ik oan loos, depois ensino rekorente ninia ezekusaun sei zero maibe ema barak hakilar katak edukasaun sei iha problema, maibe orsamentu tau tiha ona ba sira la ezekuta” nia haktuir.
Enkuantu Komisaun C rekomenda no husu ba sira kapital menor no kapital dezenvolvimentu nia tenke liu husi aprozionamentu, tan ne’e hakarak ka lakohi nia tenke esforsu hatama lalais osan ba komitementu para loke tender para ema bele mai aplika no sira bele halo pagamentu, maibe espera katak lideransa sira iha Covalima fo liman ba malu hodi servisu hamutuk entre sira labele iha difirensia maibe tenke servisu hamutuk lori Munisipiu Covalima la’o ba oin.
Jornalista : Julio Salinas
