Covalima (RCCT) 14-08-23–Durante Graduasaun ba Membru PSHT Iha Covalima Lao Hakmatek, Tanba hetan Apoiu Seguransa Masimu husi PNTL OAM Sira Seluk
Graduasaun ba membru Persaudaraan Setia Hati Terate baa no letivu 2023 nian iha Covalima lao ho hakmatek tanba hela apoiu seguransa maximu husi polisia no mos organizasaun arte marsiais sira seluk hanesan KORK, IKS-PTL, Taekwondo, Seruling Dewata, THS-THM, Raja Wali inklui segurante interna husi PSHT rasik.
Komandante PNTL Munisipiu Covalima Superintendente Polisia Calisto Gonzaga hatete, durante serimonia graduasaun ba membru PSHT iha Covalima lao diak tanba hetan kolaborasaun seguransa ho parte hotu laos deit PNTL mesak maibe involve hotu organizasaun arte marsiais sira seluk inklui arte ritual sira hodi fo seguransa.
Sekretariu IKS-PTL Munisipiu Covalima Ruben Rego Alves, sente orgulho ne’ebe parte KRAM hamutuk ho organizasaun PSHT realiza serimonia graduasaun ba membru foun sira hanesan faze inisiu ida ne’ebe bele transforma mentalidade no loke ona hanoin hodi kria unidade entre joven sira.
Entertantu objetivu husi kolaborasaun entre PNTL, KRAM no organizasaun arte marsiais sira seluk ne’ebe hola parte hodi fo seguransa ba graduasaun membru PSHT iha Munisipiu Covalima sai responsabolidade ida ba organizasaun hotu hodi kri paz dame no hakmatek iha rai ida ne’e para kontribui dezenvolvimentu iha Timor-Leste espesial ba rai Covalima.
Jornalista JS/ Baltazar Moniz
Editor : CN
