Covalima (RCCT) 20-02-25 Ministeriu Komersiu Industria (MCI-Sigla Portuguesa) Filipus Nino Pereira ho nia komitiva halo vizita traballu ba merkadu fronteira ne’ebé lokaliza iha pontu entrada mota Salele Tilomar Munisipiu Covalima.
Iha Vizita ne’e Ministru Comersiu Industria Filipus Nino Perreira hatete posiblidade iha futuru sei reativa funsionamentu merkadu fronteira pontu entrada salele.
“Simu mos informasaun katak aktividades bazar no merkadu fronteira ne’ebé la’o mos iha fatin ida ne’e liliu mak iha parte iha Indonesia nian, ne’ebé mak sira hahu kada segunda ita nia mos ba iha merkadu Indonesia ne’eba ba sosa netik buat ruma no ita nian ne’e mak la reativa tanba ne’e mak ita hare posiblidade ba oin oinsa bele hare fila fali no reativa fila fali funsionamentu husi merkadu ida ne’e, maske agora ita hare katak kondisaun seidauk faborese tanba fatin ida ne’e sei utiliza hela ba hela fatin husi pesoal balun” hatete Ministru Komersiu Industria Filipus Nino Perreira
Governante ne’e dehan fo oportunidade ba setor privadu sira atu halo movimentu no hasa’e ekonomia iha area.
“Ita tenki fo oportunidade barak mos ba ita nia setor privadu sira para atu hare katak movimentu ekonomia iha fronteira, presiza hasa’e tan tanba ita hare katak nesesidade tantu ba iha komunidade sira iha fronteira inklui mos ninia impaktu ba iha area sira ne’ebé mak besik iha fronteira ne’e bo’ot tebes. Tanba ne’e bele sai hanesan destinasaun ida ou oportunidade ekonomiku nian ne’ebé maka tuir lolos husi parte empreza sira setor privadu sira bele aproveita.” Ministru Filipius Nino Perreira
Entretantu iha visita traballu Ministru Komersiu Industria ba merkadu fronteira iha salele ne’e akompaña husi Komandante Baze Teritorial Munisipiu Covalima, mos mos funsionariu Ministeriu Komersiu Industria sira iha Covalima.
Jornalista : Alfredo Barreto
Editor : Chamot Nahac
