Covalima ( RCCT ) 28-04-21 Lafaek Tata Nazaria Barros Mate Iha Wedare Sanfuk, Suco Kamenasa Postu Administrativu Suai, Nazaria Barros Temina nia Jornada moris ho Idade tinan 4 hafoin Lafaek tata iha Wedare iha loron Sexta (27-21).
Tuir kronologia matebian Nazaria Barros hamotuk ho inan no aman ba to’os iha Wedare no iha oras loro manas depois han Meiudia Matebian ho nia Avo Mane ba fase bikan iha be kolan, maka iha be ninin Lafaek Tata no rasta Matebian tama ba be laran.
“ Iha horas tuku 12 sira han hotu sira matebian ho nia bin ho nia Avo mane ba fase bikan iha kolan ninin, depois nia avo mane ba kuru bee iha sorin balu, depois Lafaek ne’e mai husi nebe mos sira la hatene hakfodak Lafaek tata Nazaria nia ain depois nia bin bolu nia apa Dehan (lalais Bei lafaek tata alin) hafoin nia avo mane halai mai atu salva nia bei oan nazaria maibe Lafaek dada hela ona Nazaria nia ain tanba ne’e nia avo mane sa’e iha lafaek nia leten hodi tuku dala tolu Lafaek nia inus, maibe Lafaek la husik Nazaria no dada lori ba be’e laran “ Xefe Aldeia Sanfun Haktuir kro RCCT Kuarta Feira (28-20).
Xefe Aldeia Sanfuk Kontinua, hafoin Lafaek Rasta tama Nazaria ba Be laran, Matebian nia Avo Mene telefone kedas ba Matebian nia Inan no Aman no mos familia sira atu tun ba Ajuda Salva Matebian nia Isin mate husi Lafaek nebe Lori tama ona ba be laran, maibe Eforsu sira ne’e la hetan kedas Nazaria nia mate isin iha (Tersa, 27-04). maibe la lakon esperansa mak familia matebian kontinua Buka Nazaria nia mate isin durante loron ida kalan ida mak foin hetan fali Nazaria nia Mate Isin iha loron Kuarta (dia 28-04)
“Hafoin matebian nia avo telfone ba matebian nia inan ho aman depois fo hatene mos ba familia sira atu salva matebian nia isin mate husi Lafaek maibe la hetan matebian nia isin, familia hein to’o dader san mak hetan fali matebian nia isin mate iha fatin nebe Lafaek tata ba ” Tenik Xefe Aldeia Sanfuk Antonio Arcanjo.
Engkuantu Familia matebian konsidera Nazaria nia mate hanesan distinu nebe Maromak Planea ona, tanba ne’e Familia matebian so simu deit ho liman rua hodi halot matebian nia mate isin tuir tradisaun nebe sira iha ona, no familia ba halot Nazaria nia Mate isin iha Semiterio Publiku sanfu.
Relasiona ho akontesimentu ne’e Xefe Aldeia Sanfuk Antonio Arcanzo mos fo kedas avizu kedas ba nia komunidade sira labele ba besik kolan refere tanba konsidera fatin refere hanesan fatin risco ba komunidade sira atu lakon sira nia vida
Jornalista : Lito de jesus & Jose Fereira
Editor : Chamot Nahac
