Covalima (RCCT) 27-08-04-Problema laiha irigasaun atu hodi jere be obriga Komunidade Agrikultor sira iha Postu Administrativu Tilomar Abandona natar hektares atus ida resin hodi hasa’e produsaun Agrikola.
Tanba ne’e Agrikoltur Sebastião Bosco husi Aldeia Salele bo’ot Preokupa ho kondisaun natar hektares atus ida resin ne’bé dadaun abadona. Nia dehan iha tempu okupasaun Indonesia, iha Postu Tilomar hanesan sentru ba produsaun agrikola tanba iha irigasaun no be ne’ebé mak di’ak.
“ida ne’e mak ami nia prekupasaun atu halo modo be laiha uluk tempu Indonesia Ami halo tos livre, ida ne’e mak ami nia prekupasaun ami husu ba Guvernu, ami povu mak atu halo natar, tau matan netik ba ami” Sebastião Bosco dehan.
Iha Sorin Seluk Agrikutor husi Suku Maudemu. Mario Amaral husu ba Guvernu atu konstrui irigasaun ne’ebé di’ak nune’e bele fornese be ba natar, nune’e Agrikutor sira halo fali sira nia natar hanesan uluk.
“Hakarak husu ba Guvernu par abele realiza irigasaun ne ba ami komunidade presija hela irigasaun ne para be ne bele mai fali para ami bele lori halo natar tanba ne agora ami araska los aihan menus husi ida ne’e” Sebastião esplika.
Entretantu Postu Administrativu Tilomar, iha suku hat mak hanesan Suku Beiseuk, Kasabauk, Maudemu, no Lalawa husi suku hat ne kuaze area potensia hotu ba produsaun agrukola, enkuantu natar hektares atus ida resin ne’ebé abandonadu ne’e husi suku Maudemu, Lalawa,no Beiseuk
Jornalista: Moichung
Editor : Chamot Nahac
