Administrativu, Maukatar Constantino do Carmo Cardoso, afirma katak Xefe estadu nia diskursu ne’e klaru tebes tanba lakohi nia povu atu hela iha nakun laran hodi la hatene buat, maibe hakarak atu ema hotu moris hatene buat hotu tanba ne’e edukasaun mak tenke forte no povu hotu tenke haruka oan ba eskola.

“Ohin ita selebra isar bandeira, ita mos rona diskursu nai prezidente republika ninian emtermus de Portugés, iha diskursu Prezidente republika nian ho lian Portugés hameno ba nia emar tomak husi rai loro sa’e mai to’o Covalima, rai Maukatar ba to’o Oekusi, Ambeno konforme ha’u intende interpreta asuntu balu ne’ebé ita nia prezidente republika iha diskursu hateten nasaun ne’e forte kuandu edukasaun ne’e la’o ho di’ak tantu ema hotu-hotu tenke haruka ninia oan ba eskola atu nune’e ita labele hela deit vida nakukun laran” informa APA Maukatar iha nia intervensaun ba serimonia hatun bandeira nasional ba selebrasaun 28 Novembru 2023 ba dala 48 iha Maukatar.

APA Maukatar haktuir iha diskursu Prezidente republika fo hanoin ba povu tomak atu hamrik mesak ho forsa ekonomia labele depende ba ema seluk.

“Iha diskursu nai Prezidente republika nian mos fo hanoin mai ita hotu katak povu Timor-Leste tenki hamrik mesak ho ninia forsa ekonomia, liliu povu sira ne’ebé iha vida kompaña, povu ne’ebé halo to’os labele dependente ba ema seluk, enkuandu ita eleva kresimentu ekonomia povu nian, mai ita hamutuk badinas halo to’os labele husik lerek to’os ne’e abandona, ba juventude sira ne’ebé inklina an hanesan dezempregu rai ne’e luan bo’ot, rai ne’e bokur labele husik rei ne’e mamuk” Administrador haktuir iha Prezidente Republika nia diskursu.

Entertantu kuandu edukasaun forte no lao diak maka bele dezenvolvimentu rai ida nian no hadi’a povu bele moris diak hodi la dependente ba ema seluk.

Jornalista : Julio Salinas