Covalima (RCCT) 15-08-23-Oras ne’e daudaun munisipiu-4 hanesan Munisipiu Oekusi, Bobonaro, Covalima no Ainaru maka priense ona kriteria hodi estabelese Confederasaun Desportu Timor-Leste.
Vise Prezidente Confederasaun Desportu Timor-Leste, Inocencio Araujo da Silva ba jornalista sira iha Salaun enkontru Postu Administrativu Suai, hateten hafoin priense ona kriteria husi assosiasaun desportu 7 ba leten maka ba tinan ida ne’e fo prioridade ba munisipiu-4 hodi estabelese CDTL.
Prezidente Asembleia Confederasaun Desportu Timor-Leste Munisipiu Covalima Augusto Hendrique dehan ohin loron sai pajina foun ida ba Covalima tanba priense ona kriteria hodi estabele CDTL .
Prezidente Boxing Munisipiu Covalima, Zacarias do Carmo, mehi hakarak harii Boxing iha Covalima hodi evita problema no bele halibur joven sira hodi halo kompetisaun iha boxing nune’e bele promove joven Covalima nia talentu liu husi boxing.
Entertantu ba Munisipiu Covalima rasik priense ona kriteria liliu ba iha assosiaun desportu 7 maka hodi bele estabelese ona CDTL Covalima, tanba tuir kriteria kada munisipiu ida teneke iha assosiasaun 7 ba leten maka bele estabelese CDTL maibe ba munisipiu sira seluk sei labele estabele CDTL tanba sei dauk priense kriteria.
Ataku Soares
