Diretór Nasional Koperasaun no Parseria Adão Jorge Batista Pinto, hatete sosializasaun ne’e nudar meius atu partilla informasaun no uniformiza Persepsoens teknika no entidade sira mak halo servisu sosial nian iha munisipiu covalima.
“Objetivu prinsipal husi sosializasaun ba dekretu lei ida ne’e kona-ba rejime juridiku instituisaun sosial, ida ne’e ita realiza meius ida ne’ebé maka atu uza hodi partilla informasaun ligadu ba servisu sosial liliu ba entidade sira ne’ebé maka servisu ba resposta sosial iha ita ida-idak nia munisipiu” informa Diretór Nasional Koperasaun no Parseria Adão Jorge Batista Pinto, ba jornalista sira iha salaun enkontru Administrasaun Munisípiu Covalima Kuarta (03-04).
Diretór Nasional Koperasaun no Parseria, Adão Jorge Batista Pinto, haktuir liu husi sosializasaun ne’e atu fo oportunidade ba organizasaun sira ne’ebé iha interese hakarak aplika servisu ba asuntu sosial nian.
“Iha ne’e ami desimina dekretu lei instituisaun sosial nian aumesmu tempu atu fo biban mos ba organizasaun sira ne’ebé mos iha interese hakarak aplika sira nia servisu ba asuntu sosial, no iha munisipiu ita nia estabele indikamente bà iha area munisipiu nian.” Diretór Adão hakotu.
Enetrtantu desiminasaun dekretur lei 25/2017 ne’e MSSI realiza iha salaun enkontru Administrasaun Munisípiu Covalima ne’ebe partisipa husi Organizasaun sosiedade sivil sira mak servisu iha area asuntu sosial no membru rede referal sira iha Covalima.
Jornalista : Julio Salinas
Editor : Chamot Nahac
