Covalima (RCCT)15-05-24-Marie Stopes Internasional (MSI) TL realiza treinamentu baziku konaba saude reprodutivu no planeamentu familiar ba grupu suporta inan iha munisipiu Covalima hamotuk ema na’in 25 kompostu husi feto na’in 23 no mane na’in 2.
Country Director MSITL, Maria Amelia Barreto dehan, Treinamentu ne’e atu haforsa liu tan setor publiku no aliña fornesimentu servisu planeamentu familiar, asesu ba servisu no informasaun no atendimentu saude sexual reprodutivu.
“ne’e hanesan treinamentu regular ne’ebe MSI hala’o atu suporta ita ninia grupu suporta inan sira ne’ebe estabelese ona iha timor laran atu asegura informasaun ne’ebe sira simu atualizadu atu mos asegura sira iha konesimentu iha servisu saude sexual reprodutivu ba mos planeamentu familia, iha mos oinsa atu fahe informasaun iha komunidade” Informa Country Director MSITL, Maria Amelia Barreto ba Jornalista sira iha Salaun CNE Covalima.
Sekretariu Munisipal Asuntu Sosial no Organizasaun Komunitaria, Filomeno Cardoso, husu ba Grupu Suporta Inan Sira atu kontinua habelar informasaun ho efisiensia ba komunidade sira. Nia mos ba pesoal saude sira atu mantein hala’o knar ho profesionalizmu, utiliza ekipamentu ne’ebe iha hodi atende komunidade, liu liu inan sira iha Covalima.
“liu husi formasaun ne’ebe ita bo’ot sira ohin no aban, atu imi bele kontinua habelar nafatin ba komunidade sira, atu sir abele hatene konaba planeamentu familiar, ita bot sira mak sei sai na’in, matan tilun no ibun husi ita nia pesoal saude sira husi mos ita nia parseiru MSITL. Husu mos ba Servisu saude Munisipal, nafatin mantein seirvisu ho fasilidade ne’ebe mak iha, ho efisiente no efikas. Tanba ho ita nia knar mak bele salva ema husi moras” dehan Autoridade Munisipal Covalima, Filomeno Cardoso.
MSITL hahu halo servisu apoiu Gvernu timor leste liu husi ministeriu saude desde tinan 2006 hodi implementa estrajia nasional ba diretu saude sexual no atinji mentas nasional ba saude maternidade, liu husi fornese klinaka ida iha dili no ekipa movel baze 7 ne’ebe kobre munisipiu 13 inklui RAEOA.
Nune’e hahu iha tinan 2023 MSITL implementa mos atividade iha munispiu Covalima no Manatutu hodi prevene inan isin rua la planu no suprta populasaun sira hodi atinji medida familia ne’ebe tuir sira nia hakarak.
Reportazen RCCT
