Reprezentante Ministra Saude, Agustinha da Costa Saldanha Segurado, dehan dadaun ne’e iha Minisipiu rua Covalima no Manatutu mak preparadu ona atu hala’o deklasaun ALFA nivel Munisipal.

“Reprezenta Ministeriu Saude atu relata deit dadus ne’ebé maka ministeiru konsege hamutuk ho ministeriu relevante sira liu liu to’o ba iha nivel suku no aldeia ita hatudu ona ita nia progresu iha nivel nasional iha munisipiu 6 maka deklara ona ba iha ALFA hanesan Munisipiu Ermera, Aileu, Liquisa, Bobonaro, Ainaro no manufahi husi total ida ne’e ita deklara ona ba nivel munisipal maibe iha mos planu ba iha ministeriu saude iha tan munisipiu rua ne’ebé maka preparadu atu tama ba iha deklara nivel munisipal maka ida Manatutu tuir mos Covalima” Katak nia.

Nune’e mos Reprezenta Servisu Munisipal Saude iha Covalima, Agapito Nune’e relata, Ministeriu Saude (MS) realiza ona deklarasaun ba Area Labele Soe Foer Boot Arbiru (ALFA) iha Postu Administrativu iha Postu Administrativu 4 no tempu badak sei re-orienta no sei halo re-verikasaun dadus iha postu 3 hodi hala’o tan deklasaun ALFA.

“Deklarasaun ALFA ita hahu ona iha Fatumea agora dadun to’o postu Tilomar ne’e hatudu katak iha postu hitu iha Covalima ita deklara Ona postu hat sei iha postu tolu ne’ebé mak presiza ita halo deklarasaun tanba prosesu ida ne’e ita seidauk halo deklarasaun ba fulan ida nia laran tanba presiza ita verifika ba dadus sira ne’ebé mak ita iha ho ida ne’e mak ita halo ona re-verefika ba postu rua postu maukatar ho postu Suai, mos ita presiza halo rei orientasaun ba postu Zumalain tanba postu zumalai ita tenki halo re-verifika, re-orienta tanba iha postu tolu mak seidauk deklara ALFA ho ida ne’e mak ita halo re-orienta maibe postu maukatar ho Suai vila ita halo re-verifika liu husi nia resultadu sai ona ita sei halo deklarasaun iha tempu besik iha tinan ne ‘enia laran mos postu ida ne’ebé mak halo re-orienta mos ita koko para ita iha deklarasaun iha tinan ne nia laran alende ne’e iha munisipiu mos ita iha uza Oportunidade servisu tomak para bele deklara nivel munisipiu nivel postu ho nivel autoridade Munisipal ba tinan ida ne’e nia laran” Reprezentante Diretór Servisu Munisipal Saude iha Covalima, Agapito Nunes, esplika.

Postu Administrativu sira iha Munisipiu Covalima ne’ebé mak Ministeriu Saude hala’o deklarasuan ALFA ne’e maka, Fatumea, Fatululik, Fohorem no Tilomar.

Jornalista : Moichung

Editor       : Chamot Nahac