COVALIMA—-Diretór Nasional Orsamentu Jestaun Finansas Ministériu Saúde, Miguel Maria, hatete Ministériu Saúde liu husi Diresaun Nasional Orsamentu Jestaun Finansas no Diresaun Jeral Serbisu Cooporativu realiza workshop sesaun traballu ba planu mikro nivel sentru saude komunitaria ba nivel rejiaun kompostu munisipiu 4 hanesan Aileu, Ainaro Covalima no Manufahi, workshop ne’e hala’o durante loron tolu iha Munisipiu Covalima hodi gastu orsamentu ho montante rihun $ 30.
“Workshop ida ne’e realiza tanba ita konvida xefe sentru saude hotu husi munisipiu 4 ne’e, diretor Serbisu munisipal ho nia estrutura tomak ne’ebe ita preve osan ho montante purvolta rihun $ 30, ida ne’e inklui mos ba despeza operational sira aluga kadeira sira ne’e alende ne’e ita presija selu mos salaun” informa Diretór Nasional Orsamentu Jestaun Finansas Ministériu Saúde, Miguel Maria, ba jornalista sira hafoin partisipa iha workshop ne’ebe hala’o husi Ministeriu Saude ba nivel Rejional nian kona-ba planu mikro nivel sentru saude komunitaria ba Serbisu Munisipiu Aileu, Ainaro, Covalima no Manufahi, ne’ebe hala’o iha Salaun enkontru Eskola Sekundaria Geral Publika Suai, Tersa (11/04).
Nia afirma workshop ida ne’e realiza hetan mos apoiu husi parseiru Global Alliance Vaccine immunization (GABI) ne’ebe parseiru diak ho ministeriu saude hodi halai liu ba iha programa nutrisaun, maibe iha komponente GABI nian balun mos sira tau osan para halo meloramentu ba planu orsamentu, tan ne’e MS uza komponente ida halo meloramentu ba planu orsamentu, ne’e maka uza orsamentu GABI nian hodi apoiu ba atividade sesaun ida ne’e.
Nia dehan husi orsamentu rihun $ 30 ne’e uza ba atividade workshop durante loron tolu nian depois ho nia flow up sira hotu tiha tenke konsolida hamutuk.
“Flow up ne’e kuandu ita nia planu loos ona maka ita nia monitorizasaun ne’ebe iha no ita prepara, tanba kada programa nia tau orsamentu hira, lao tuir depois haree ba relatoriu mensal ka trimestral ne’ebe submete mai, relatoriu ne’e iha rua ida maka relatoriu kona-ba despeza osan no ida seluk relatóriu ba atinjimentu programatiku” nia esplika.(azu)
