Covalima (RCCT) 22-07-23-Besin folin sae iha Timor laran sai preokupasaun ba povu kiik, liliu ba motorista, ojek sira iha Munisipiu Covalima tanba labele hetan rendimentu.
Tuir motorista Ojek iha Munisipiu Covalima Lucas Cardoso Amaral “Soran” hatete ho mina ne’ebé folin sae prejudika sira nia servisu hanesan ojek atu hetan rendimentu loro tanba osan ne’ebe sira hetan uja deit hodi ense mina.
“Agora Mina Folin sa’e hanesan ne’e ami la hetan osan, tanba ami tula ema nain ida ka rua deit, ne’e hodi ense bensin hotu, entaun osan atu hodi fila ba uma nian laiha” katak Soran
Lucas haktuir antes ne’e iha suai bensin agua bo’ot ida nakonu ho folin $ 2.00, ho nune’e wainhira sira tula pasajeiru husi dader to’o kalan bele hetan rendimentu naton odi sustenta sira moris iha uma laran.
“Ulun mina folin agua bo’ot ne’e nakonu $ 2,00, entaun ami tula ema husi dader to’o kalan ne’e ami bele hetan osan uit oan lori susntenta ami nia moris” tenik nia.
Entertantu mina folin sae la’os fo impaktu deit ba motorista ojek sira maibe fo impaktu mos ba povu Covalima tomak bainhira uza transporte hanesan motorizada ho kareta hodi halo movimentu ba mai, no husi suai-Dili inklui halo movimentu ba munisipiu seluk.
Ekipa Kobertura RCCT
