Covalima (RCCT) 31-05-24- Sexta ne’e hale’u oras tuku 7 besik tama tuku ualu kalan, Mota tafara lori tun makas, lori Martinho dos Santos ho tinan 55 husi Aldeia Tabolo, Suku Kasabauk Postu Administrativu Tilomar, maibe hafoin hetan tulun husi komunidade sira deteta martinho ho kondisaun diak maske sente moras iha nia ain sorin ne’ebe baku kona ai, nune’e ekipa bombeiru evekua kedas ba ospital referral suai, hodi halo tratamentu.
Martinho konta sai husi uma ba to’os atu fo han fahi no sulan bibi haleu oras tuku lima loro kraik, maibe to’o iha to’os labele atu fila tanba mota tafara tun derepende.
“Ha’u ba fo han fahi iha tuku lima ne’e, ha’u atu toba ona, derepenti hau rona mota sbu lutu, fahi, bibi mota lori hotu, ha’u atu halai sa’e ba leten ladi’ak ona, tun fali mai kraik mota nakonu ona, ha’u tun ba mota nakonu ona lori los ha’u,” Martinho esplika.
Hafoin fo asistentia iha sala emerjensia ospital referral suai, Enfermeiru Alberto Coli, relata ba suai post dehan pasiente iha kondisaunn di’ak tanba laoha kanek grave iha nia isin ka tohar iha ain no liman .
“Ami Simu iha sala emerjensia iha oras 8:59 ohin kalan, ho naran Martinho Dos Santos idade 55 anos husinTafara, tuir kronolojia katak apsiente ne’e Mota maka lori, maibe mai to’o iha ne’e pasiente ho kondisaun di’ak hela, la hemu bee, la tohar, laiha bubu ida maka iha nianisin lolon so ke nia ain maka sin de’it tanba ai maka baku, sin de’it la bubu, la tohar, pasiente agora bele fila fali ba nia uma tanba kondisaun di’ak hela, so dotor fo hela ai moruk ida hatun moras tanba ai baku iha pasiente nia ain tu’ur halo sin no moras” informa Alberto Coli ba RCCT iha Sala Emerjensia Ospital Referal Suai Sesta (31/05).
Entertantu kalan ne’e kedas, Martinho dos Santos evakua husi Aldeia Tabolo ho kareta Bombeiros Munisipiu Covalima to’o Ospital Referal Suai iha oras tuku ualu liu minutu lima nuluh resin sia.
Jornalista : Julio Salinas
Editor : Chamot Nahac
