Covalima (RCCT) 10-02-25-Timor Leste Troka ona Mandatu Governasaun to’o dala sia , maibe Korenti Mota Tafara iha Parte Lakalese, kontinua prezudika no fo ameasa ba Populasaun hamotuk 1,293, husi Suku Dato Tolu, Postu Administrativu (PA) Fohorem,Munisipiu Covalima, wainhira halo viazen iha tempu udan tanba Governu seidauk konstrui Ponte.
Tanba ne’e, iha tempu udan komunidade Postu Administrativu Fohorem no Fatululik ne’ebé halo viazen liu husi Suku Dato, sempre hetan ameasa husi korente mota Tafara iha area Bairo Lakalese, wainhira atu utrapasa hodi asesu ba merkadu no atende nesesidade ruma iha Suai, Kapital Munisipiu Covalima.
“Ami husi Suku Dato Tolu, ne’e rai bokur no komunidade sira ne’e moris ho vida agrikultor ne’ebé atu fa an produtu lokal sira ne’e ba iha merkadu suai nian mos susar tebes tanba iha tempu udan komunidade sira nia produtu lokal sempre estragra tan deit mota tafara ne’e fo risku tebes mai komunidade sira tanba tinan tinan komunidade sira atu ultra pasa ba merkadu suai sempre hulan motor no korente mota bo’ot sira la bele hakur. Pasensia produtu lokal sira ne’e estraga deit” hatete Xefe Suku Dato Tolu Erduardo Benjamin Loro,Esplika.
Juventude Suku Dato Tolu, Deonisio Cardoso da Costa husu ba nonu Governo tau netik matan hodi bele halo netik ponte tamba komunidade Suku Dato Tolu moris ho vida agrikultor
“Bainhira ita hakur mota ne’e hanesan funu bot ida. Ami husu ba Nonu Governu se bele tau netik matan hodi bele halo ponte mai ami, tanba iha tempu udan komunidade sira asesu ba merkadu suai la bele, tanba korente mota bo’ot, komunidade sira la bele hakur no komunidade sira nia produtu lokal sira ne’e tenki lori fila ba uma balu hodi fo fahi no balu estraga deit” Juventude Suku Dato Tolu Deonisio Cardoso da Costa, dehan.
Mota Tafara iha Parte Lakalese sai risku ba komunidade Suku Dato Tolu wainhira halo viazen ba no mai Suai iha tempu udan, nune’e Populasaun sira hamotuk 1,293 (Sensus 2022) kompsotu husi Feto Hamutuk 631 no mane hamutuk 662, husu ba Governu Konstrui Ponti iha Mota Tafara area Lakelese hodi bele fasilita sira nia movimentasaun iha tempu udan. Alende ne’e, Mota Tafara iha Lakalese mos fo ameasa ba Komunidade sira husi Suku Datu Rua, Postu Fohorem no Suku Taroman, Suku Mako’us husi Postu Administrativu Fatululik, wainhira halo viazen iha tempu udan.
Jornalista : Alfredo Barreto
Editor : Chamot Nahac
