Covalima (RCCT) 17-04-21- Tuir Kronolojia Oknum Polisia Rega Gas Lakrimozenio (Gas Air Mata) ba estudante sira iha Kuarentena Airoportu Holbelis ne’e tanba estudante na’in ida ne’e Laboratorium fo sain rezultadu Positivu Covid-19 nebe mak lakohi kopera ho ekipa saude wainhira atu halo evakuasaun ba Fatin Izolamentu.
Tuir Teodoro Ramos Cardoso Kolega husi Pasiente Positivu Covid-19 ne’e hateten sira lakoi fo lisensa ba ba Ekipa Saude tula sira nia kolega ho Ambulanse ba fatin izolamentu tanba durante ne’e sira na’in sanulu resin mak hela hamutuk maibe derpente deit husi Ekipa Saude ho kareta Ambulansia atu foti sira nia kolega iha sira nia fatin Kuarentena Aeroportu Holbelis.
“ Ami lakoi ami nia kolega lori ba iha izolamentu tanba durante ne’e ami mak hela hamutuk no halo kontakto fizika iha Kuarentena laran tanba saida mak nia mesak mak pozitivu no ami seluk negativu tanba ne’e mak ami la satisfas ho ida ne’e” Dehan Ramos
Nia Fundamenta Sexta Feira (16–04) horsehik Ekipa Vizilansia evakua ona estudante nain 2 nebe Positivu Covid-19 husi Kuarentina Holbelis ba fatin Izolamentu.
Horsehik husi parte saude foti kolega pozitivu na’in2 iha Kuarentena ida ne’e, no kolega pozitivu ida agora ne’e mos konsege halo diskusaun ho ekipa sira ne’e, depois ohin sira husi saude mai dehan kolega horiseik protesta ne’e pozitivu fali tanba ne’e ami hanoin servisu ne’e ladun di’ak ba ami estudante sira nebe mak Kumpri Kuarentena iha ne’e” tenik Ramos.
Ramos mos afirma sabadu ohin (17-04) Estudante iha Kuarentena AiroPortu Holbelis hamrik hodi protesta tanba Ekipa Saude Uja siguransa (PNTL ho F-FDTL) baku no dada ou Rasta Obriga Sira nia kolega.
“Ami Protesta tanba saude sira mai lori ho PNTL no F-FDTL baku no rasta obriga ami nia kolega to’o Rega Gas Air Mata ba ami sira nebe mak kritika ne’e” Dehan Ramos
Enkuantu iha akontesimentu ne’e Administrador Municpio Covalima Fransisco de Andrade mos to’o kedas iha fatin akontesementu hodi observa no fo hanoin ba estudante sira nebe iha Kuarentena atu kopera ho parte saude no seguransa hodi minimiza problemas hirak ne’e no halo tuir regras no protokolu saude nian.
Ekuantu to’o notisias ne’e hatun Jornalista RCCT sei dauk halo konfirmasaun ho Komandante PNTL Municipio Covalima no Parte Ekipa Jestaun Krizi Municipio Covalima.
Jornalista : Asatu Soares
Editor : Chamot Nahac
