COVALIMA—–Diretóra Serbisu Saude Munisipiu Manufahi, Florencia Cortereal Tilman, hateten durante ne’e moras ne’ebe as liu iha Munisípiu Manufahi maka moras infeksaun respiratoriu (ISPA), tanba impaktu husi mudansa klima no rai rahun suar hodi afeta ba ema nia saude.
“Atu hatete moras oin 10 ne’e ami iha Manufahi moras ISPA maka sae maka’as liu tanba impaktu husi klima bainhira iha tempu bailoro no anin huu rai rahun bele afeta ba ita ema nia saude” informa Diretóra Serbisu Saude Munisipiu Manufahi, Florencia Cortereal Tilman, ba jornalista hafoin partisipa iha workshop ne’ebe hala’o husi Ministeriu Saude ba nivel Rejional nian kona-ba planu mikro nivel sentru saude komunitaria ba Serbisu Munisipiu Aileu, Ainaro, Covalima no Manufahi, ne’ebe hala’o iha Salaun enkontru Eskola Sekundaria Geral Publika Suai, Tersa (11/04).
Nia dehan moras ISPA As tanba impaktu husi mudansa klimatika halo rai rahun barak hodi afeta ba ema nia saude liliu ba labarik sira.
Nia hateten meus atu uza hodi halo prevensaun ba moras hirak ne’e maka parte serbisu saude Munisípiu Manufahi halo promosaun liu husi programa saude na familia hodi hakbesik ba komunidade sira bainhira hetan moras ruma tenke lalais lori ba kedas iha fasilidade saude hodi hetan tratamentu saude.(Azu)
