Covalima (RCCT) 25-08-23–Servisu Saude Munisipal Munisipiu Covalima rejista kaju moras ispa as liu, ho numeru 12.318, tuir kedas, moras Pneumonia, te ben akot, moras kulit, Scabies no ikus liu mak moras te ben ho ran hamutuk ema na’in 68.
Diretora Servisu Munisipal Saude Covalima, Maria de Fatima Moniz hatete hahu husi quarter I no quarter II servisu saude Covalima rejista moras tipu 10 maibe husi moras hirak ne’e moras ISPA mak numeru aas liu.
Diretora ne’e katak, moras hirak ne’e maioria afeita ba labarik tan impaktu husi halimar rai rahun, no mos impaktu husi mudansa klimatika.
Tuir dadus dadaus nebe Suai Post Asesu husi Servisu Saude Munisipal Munisipiu Covalima moras ispa hamotuk ema nain 12.318, moras Pneumonia hamutuk 1.079, te ben akot- nain 1.757, moras kulit seluk tan-2009, Scabies-270 no moras te ben ho ran hamutuk ema na’in 68.
Entertantu Servisu Saude Musispiu Covalima, fo sain dadus ne’e hafoin simu relatoriu husi fasilidade saude sira, iha postu administrative 7 iha suku 30.
Jornalista : JS/Baltaz Moniz
Editor : Chamot Nahac
