COVALIMA—-Ministru Obras Públikas (MOP), Abel Pires da Silva, Kinta (13/04) hala’o observa direita ba haree kondisaun estrada bee mean entre Munisipiu Coalima no Bobonaro iha área Aldeia Biata, Suku Fatuletu, Postu Administrativu Zumalai Munisípiu Covalima nian ne’ebé kondisaun kotu totál tanba hetan estragus husi udan ne’ebe akontese foin lalais ne’e.
Hafoin observa estrada bee mean kotu total Ministru Obras Públika orienta kedas tékniku Diresaun Jerál Estrada, Ponte, Prevensaun, Kontrollu no Seias (DJEPPKS) hamutuk ho tekniku kompañia Aitula Fuel Lda. atu halo atendimentu emerjénsia ba estrada refere hodi fasilita movimentasaun komunidade nian entre Covalima Bobonaro.
Ministru fo orientasaun ba kompaña Aitula Fuel atu mobiliza ekipamentu hodi halo servisu atu fasilita movimentasaun komunidade sira nian inklui movimentasaun ba transporte publiku no privadu liga husi Munisípiu Covalima ba Bobonaro.(Azu)
