.png)
Covalima(RCCT)- 21-09-23-Kinta feira ne’e Ministru Justisa Amândio de Sá Benevides hala’o vizita iha Prizaun Suai ho objetivu hakarak haree ho matan konaba kondisaun prizaun no atu hatene klean liu tan guarda prizaun sira preokupa.
Ba jornalista sira iha Prizaun Suai Ministru Justisa Amândio de Sá Benevides hatete vizita hala’o uluk ona iha prizaun Gleno no Bekora hafoin kontinua mai iha Covalima ho itensaun atu haree besik liu situasaun prizaun Suai nian.
“Hau foin Asume kargu Ministru Justisa iha fulan Jullu liu bah au vizita ona fatin balu hanesan servisu prizaun Gleno, Bekora iha nesesidade tebes desde inisiu atu mai vizita maibe foin daudaun laiha biban atu mai, hakarak mai haree besik situasaun estabelesementu prizional suai nian no hakarak atu mai koalia ho diretor Prizional Suai ho nia guarda sira kona-ba sira nia situasaun dezempenu no haree sira nia kondisoens” Esplikana MJ
Iha Prizaun suai durante oras balun ministru justisa simu preokupasaun lubuk husi guarda prizonais sira liliu konaba ekipamentu seguransa no mos rekursu sira.
“Iha vizita ida ne’e ohin guarda sira hato’o sita nia preokupasaun kona ba ekioamentu seguransa, ekioamentu ba apoiu CCTV, sira nia deslokasaun sira, sira bua grau, sira nia situasaun rejime jeral no rejime espesial, sira koalia buat ne’ebe durante ne’e sira rasin sente tan ne’e ministeriu nota depois ita bele deskuti tan iha nivel nasional hodi halo solusaun ba sira nia preokupasaun ne’e” nia haktuir.
Ministru Justisa hateten alende vizita prizaun Suai sei iha biban ba haree mos servisu sira seluk hanesan servisu terras prosperidade, servisu notariadu no vizita mos ba iha administrador hanesan ba komprementa hodi koalia asuntu importante balu intermus jeral.
“Iha ne’e hanoin servisu ministeriu justisa nian lubuk ida hanesan servisu terras prosperidade, servisu notariadu, hau sei ba vizita mos administrador hodi komprementa dedpois halo diskusaun balu intermus jeral kona ba oinsa ministeriu justisa bele halo nia dezempenu atu ajuda mos administrasaun munisipiu atu bele haree mos situasaun ida ne’e” nia hakotu.
Administrador Munisipiu Covalima Francisco de Andrade hatete vizita Ministru Justisa Amândio de Sá Benevides ne’e hanesan vizita kortejia iha Covalima ho objetivu hakarak atu hasoru autoridade sira.
“Ministru Justisa foin primeiru ves mai iha Covalima katak vizita kortejia depois simu tomada de pose iha nonu governu, nia nunka hasoru autoridade tanba ne’e sira hotu-hotu oinsa sira nia esforsu para hasoru mos autoridade hotu iha munisipiu sira ne’e vizita kortejia ida” nia dehan.
Entertantu Ministru Justisa Amândio de Sá Benevides hala’o vizita iha prizaun suai simu preokupasaun barak husi gurada prizioner sira no nia parte toma nota sei lori ba halo diskusaun iha nasional ho diretor sira atu nune’e bele tau ba planu 2024 nian.
Jornalista JS
Editor L CN
