Covalima (RCCT) 19-03-24-Reportazen Citizen Journalism konaba, Ministeriu Saude realiza deklarasaun Area La Soe Foer Bo’ot Arbiru) (ALFA) iha Postu Administrativu Fatululik, Munisipiu Covalima, hafoin governu hapara provizoria programa deklara ALFAne’e iha Ambito Covid-19 iha tinan 2021.
Ofisial Saude Saneamentu no Ijeni, Departamentu Saude Ambienta, Francisco de Oliveira, manfesta hafoin liu tiha prosesu lubuk ida iha 2021 atu deklara hala’o deklara ALFA iha postu Administativu Fatululik maibe lakonsege raliza tanba mosu kamalidade Covid-19, nune’e iha tinan 2024 mak foin halo lansamentu ba deklara ALFA iha Postu Administrativu Fatululik.
“Ko’alia konaba deklasaun ALFA ohin Akontese iha ne’e, prosesu ne’e naruk tanba iha 2021 ita halo ona prosesu iha nível nasional, momentu ne’e pasa duni mais la akontese deklarasaun Alfa iha Fatululik, tanba problema Covid-19, ne’e mak ita adianta fali mai iha 2024, lolos ne’e, ita bele halo mos iha 2023 maibe tanba prosesu ba budget ne’ebé ita prepara tarde los, tanba ne’e maka ita foin realiza iha ohin dia 19 fulan marsu 2024.” Dehan Ofisial Saude Saneamentu no Ijieni, Francisco de Oliveira ba Citizen Journalist “Aniceto Monis” iha Postu Administrativu Fatululik tersa (19/03).
Iha Fatin Hanesan, Joventude Aldeia Lia Na’in, Suku Taroman, Junior Yohanes, dehan ho deklarasaun ALFA bele fo hanoin komunidade hotu atu iha konsiensia hodi labele soe foer arbiru hodi kuidadu ambiente mos iha moris loro loron.
“Obrigadu ba Ministeriu Saude ne’ebe maka ohin mai halibur ami atu hala’o atividade deklarasaun Alfa, nudar komunidade no joven ha’u apresia los, tanba liu husi programa ida ne’e, fo hanoin mai ami atu labele se foer arbiru iha ami nai rain,” Junior Yohanes dehan ba Citizen Journalist “Aniceto Monis” iha Resinto Postu Administrasaun Fatululik Tersa (19/03).
Partisipa iha aktividade deklrasaun ALFA iha Postu Administrativu Fatululik ne’e mai husi Sekretariu Munisipiu Asuntu ba Asunto Planeamentu, Investimentu no Dezenvolvimentu Integradu, Caitano Rebeiro, Diretór Nasionanal Edukasaun Promosaun Saude, Reprenzentante Diretor Servisu Munisipal Saude, Administrador Postu Administrativu Fatululik, Xefe Suku Taroman no Fatululik, Reprezentante Komunidade Aldeia 8 ne’ebe kada Aldeia ida ema na’in Sanulu resin lima. Iklui Funsionariu sira ne’ebe destakada iha postu Fatululik.
Reportazen Cityzem Journalism “Aniceto Moniz”
Editor : RCCT
