Covalima (RCCT) 11-05-21- Serbisu Municipal Obras Publiku Municipio Covalima halo Obsevasaun ba rehabilitasaun obra nebe maka hetan estragus husi inundasun nebe maka akontese iha loron 04/04/21 iha Municipio Covalima nebe mak obra balun Maka atinji ona no balun maka sei iha prosesu rehabilitasaun nia laran.
“Iha estragus barak maka akontese iha Municipio Covalima durante akontesementu inundasaun Obra nebe hetan estragus mak hanesan ponte Lo’omea kotu iha Postu Administrativu Zumalai nomos iha Suco Beco Postu Administrativu Suai no agora dadaun ne’e ita hadia no remata ona obra refere no mos iha fatin balun maka hanesan iha iha postu zumalai iha ona lista no agora dadaun ne’e sei hein hela husi ekipa atu nune’e bele halo obra refere.” Diretur Servisu Obras Publiku Municipio Covalima, Albertu Cardoso ba RCCT Tersa Feira (11-05)
Relasiona ho akontesementu inundasauan iha fulan kotuk ne’e Afeta mos halo rai monu iha Salele Postu Administrativu Tilomar iha Area Fronteira ho Mota Masin Indonesia.
Tanba ne’e mak Servisu Obras Publika Municipio Covalima dadaun halo levatamentu dadus dadus nune’e iha tempo badak sei Responde hodi Solusiona ba ne’e.
“Iha Area Mota Masin iha Salele Postu Administrativu Tilomarhusi ekipa Obras halo ona levantementu dadus no oinsa bele responde no durante ne’e ami la hakmatek iha fatin maibe ami nafatin tenta ba iha Nasional nune’e bele responde lalais hodi nune’e bele aseleira ba iha Obra nebe maka iha Fronteira Salele Mota Masin.” Tenik Alberto
Jornalista :Lito de Jesus
Editor : Chamot Nahac
