Covalima (RCCT) 29-08-23–Muzeum Memoria Rejistensia Munisipiu Covalima Halo Exebisaun Livru iha Tasi Ibun Suai Loron Hodi Komemora Loron Falentil no Selebra loron konsulta popular Timor leste, Exebisaun ne’e hanesan meiu ida atu habelar istoria timor leste ba foin sa’e sira liu liu ba estudante sira no mos ba komunidade em jeral atu hatene hatene konaba istoria luta ba libertasaun Nasional.

Mariano do Carmo nudar, Kordenador Jestor ba Muzeum Memoria Rejistensia Munisipiu Covalima, dehan istoria importante ba ema hotu atu hatene, tanba ne’e Mariano dehan istoria hotu labele para ka rai deit iha Muzeum maibe tenki habelar ba ema hotu.

“istoria ne’e importante ba ema hotu hotu atu hatene, tanba ne’e Muzeum iha hanoin, tenki habelar istoria sira ne’e ba ema hotu, liu liu ba estudante no joventude sira” Dehan Mariano

Durante exebisaun hetan vizita mos husi bainaka sira mak mai husi munispiu seluk inklui komunidade, Jovetude no estudante sira husi Munisipiu Covalima.

“Durante Exebisaun ne’e, komunidade sira antisiasmu hodi mai vitiza, liu liu joven no estudante sira, alende ne’e mos iha, vizitante sira husi munisipiu seluk, hanesan likisa mos mai vitiza ita nia estand ne’e” tenik Mariano

Entretantu Exebisaun Livru istoria ne’e Muzeum Memoria Rejistensia Munisipiu Covalima Halo iha Kalbus Tasi Suai Loro, hahu iha loron 23 to’o loron 30 fulan Agustu tinan ne’e. hetan partisipasaun nebe antisiasmu husi komunidade, Juventude no estudante sira, relasiona ho komemorasaun loron nasional rua, loron falintil ba dala 48 no selebrba loron konsulta popular ba dala 24 iha Covalima.