Covalima (RCCT) 08-03-24-Kinta Feira (07/03), Governu da Sia Liu husi ministeriu Administrasaun Estatal ( MAE) ne’ebé delega fiar ba Sekretaria Estadu Dezenvolvmentu Lokal (SEDL) hodi diriji seimonia solene tomada de pose ba Miguel Armada Cardoso nudar Prezindente Autoridade Munisipal Covalima (PAM) no Sekretaria Autoridade Munisipal ba Asuntu sosiais no Organizasaun Filomeno Cardoso.
Iha Salaun Administrasaun Covalima Empozadu Prezidente Autoridade Munisipal (PAM), Miguel Armada Cardoso iha nia deskursu dehan sei servi povu Covalima ho domin ne’ebé bo’ot no la aproveita biban atu sai hanesan liu rai iha nia mandatu.
“ha’u simu pose ida ne’e la’os aproveita biban ka sai hanesan, liurai ida atu ema servi, maibe todan ida mak ha’u simu tau iha ha’u nia kabas hodi servi komunidade iha Autoridade Munisipal ida ne’e ho fuan bo’ot no domin bo’ot” Prezidente Autoridade Munisipal (PAM), Miguel Armada Cardoso, Afirma.
Prezidente Autoridade Munisipal Covalima Miguel Armada Cardoso fundamenta, hetan konfiansa husi Governu, atu instalas administrasaun tranzitoria hodi halo preparasaun ba eleisaun asembelea munisipal nune’e bele iha poder rasik halo jestaun.
“Fiar ida ne’e hanesan atu instala administrasaun tranzitoria ida hodi hein eleisaun ba Autoridade Munisipal no eleisaun Asembleia Munisipal atu nune’e iha ona poder rasik hodi halo jestaun no foti desizaun iha ita nia rai doben munisipiu Covalima, atu susesu iha servsu hirak ne’e ho efetivo no efiksdia persiza ita bo’ot sira nia tulun liu-liu internalmente forsa trabalhu husi Secretariu autoridade Munisipal nain tolu(3), Diretor servisu Munisipal nain sanulu resin sia(19), no xefe departamentu sira, Apa nain Hitu(7) ho nia xefe seksaun sira iha mos diretor servisu delegasaun territorial , koordenador no pontu fokal kada diresaun ne’ebé ezisti iha ita nia autoridade municipal ida ne’e” Tenik PAM Covalima.
Nia realsa, nudar Prezidente Autoridade Munisipal iha kompremesio rasik atu hala’o pilar dezenvolvimentu hanesan plataforma ba revolusaun mental hodi garantia estabilidade no amizade iha sosiedade, profesionaliza servisu estensionista hodi garantia produsaun agrikola. No sei halo kontinuasaun no melora obra sira ne’ebé administrador sesante halo ona iha Covalima.
“Presidente Autoridade ne’ebé hetan fiar no posse ona iha nia kompromisu rasik atu bele halo pilar hirak ne’ebé iha tempu badak, primeiru planu plataforma hodi halo Revolusaun mental liu husi tara bandu iha suku ida-idak hodi iha estabilidade iha suku nia laran hamestin amizade, imparsialidade no iha komfiansa ba malu, funsionamentu servisu estensionista sira nian iha suku ida-idak hodi fo apoiu agrikultura planeia kria kalendariu ida atu halo vizita ba administrador postu hitu(7) no suku (30) iha autoridade municipal ida ne’e hamutuk ho Comandante Polisia kria amizade inparsialidade, neutru no buka solusaun ba problemas ne’ebé akontese iha ita nia autoridade municipal ida ne’e , hatutan obra maun bo’ot Kay Rala Xanana Gusmão nian hanesan Suai Suplay Besa, Aeroportu, Auto Estrada no Seluk-seluk tan ikus liu melhora obra hirak ne’ebé Nai Admnistrador Sesante ho nia Estrutura sira halao ona iha sira nia mandatu no obra hirak ne’e sira sei husik hela iha ha’u nia mandatu ho nia Estrutrura tomak sei halo kontinuasaun” PAM Covalima, Miguel Armada Cardoso Hakotuk.
Entretantu Prezidente Autoridade Munisipal Covalima, Miguel Armada Cardoso manifesta iha nia deskursu dehan, wainhira atu susesu iha dezenlvolvimetu mak tenki hametin forsa traballu hamotuk ho sekretaria municipal na’in tolu, diretor servisu municipal na’in 18 no xefe departamentu sira, administrador postu administrative 7 no xefe seksaun sira, diretor delegasaun teritoria no pontu fokal sira inkliu xefe suku sira hotu mak partenente iha munisipiu Covalima.
Reportazen RCCT
Editor : Chamot Nahac
