Covalima (RCCT) 05-05-25 Ministeriu Finansas Sosiliza Dekretu Lei aprovisionamentu foun, Lei Numeru 1/2025, 8 de Janeiru ba Setor Privadu no Autoridade sira iha salaun Administrasaun Munisipiu Covalima.
Iha Kapasitasaun ne’e, Diretór Jeral Sentru Kapasitasaun Jestaun Finansas Publika, Martinho Lopes iha nia intervensaun hatete Ministeriu Finansas (MF) iha papel atu desimina politika jestaun finansas publika, hodi esplika kodigu aprovisionamentu nune’e Autor prosesu aprovisionamentu sira labele konfundi no hasoru duvida iha implementasaun.
“Objetivu prinsipal desiminasaun dekretu lei ida ne’e hanesan ita bo’ot sira hatene ministeriu finansas nia papel dejana politika jestaun finansas publika, aumenmu tempu fo asistensia teknika ba entidades hotu ne’eb’e sujeitu uza prosesu jestaun finansas publika, tanba sesaun ohin ne’e governu da sia nia preoridade atu halo mudansas ba iha dekretu lei aprovisionamentu. Uluk ita bolu dekretu refere rejimi aprovisionamentu, maibe agora ita hanaran kodigo, konteudu entre rejimi ho kodigu ne’e diferente tantu jurista sira esplika katak kodigu ne’e tamba ita elabora husi regimi espesial balun sai regimi jeral ne’ebé ita bolu kodigu aprovisionamentu, iha kodigu aprovisionamentu iha mudansas bo’ot husi dekretu lei no 22 ne’ebé iha ninia prosesu iha mudansa signifika tebes, tanba ne’e, informa no apresenta espiritu kada artigus iha dekretu ida ne’e, nune’e ita labele sala interpreta iha nia implementasaun tantu liliu ba hau nia kolega sira nudar autor ba iha prosesu aprovisionamentu para interpreta ho lolos nune’e ita nia sosiedade nia empreza sira la tau duvidas ba ita no ikus la tau kestoens ba ita” Diretór Jeral Sentru Kapasitasaun Jestaun Finansas Publika, Martinho Lopes, esplika.
Iha fatin hanesan Sekretariu Munisipal Administrasaun no Finansas Alberto Moniz de Araoju husu ba setor privadu sira ne’eb’e partisipa iha Kapasitasaun ne’e atu komprende didi’ak konaba saida mak kontratu publikus no kondigu aprovizionamentu nune’e labele iha duvida wainhira kompete iha tenderizasaun ruma.
“Ministeriu Finansas nian mai iha fatin ida ne’e hodi konvida ita bo’ot sira mai iha ne’e atu apresenta sesaun desaminasaun kodigo aprovisionamentu no kontratu publikus ne’ebé mak temi ona katak la’os rebokasaun, la’os altersaun mais troka total rezimentu juridiku no 22/2022 fulan jullu nian ba iha kodigu aprovisionamentu. Liliu ba diretór, diretóra no emprezariu sira no setor privadu sira atu hatete difikuldade saida mak ita bo’ot sira hasoru iha tenderizasaun” Alberto Moniz de Araoju, dehan.
Sosializasaun dekretu lei no 1/2025, 8 de janeiru ne’ebé hala’o iha salaun administrasaun Covalima Ne’e hetan Partisipasaun husi setor privadu, Autoridade, sira iha ne’ebé ejisti iha Munisipiu Covalima
Jornalista : Alfredo Barreto
Editor : Chamot Nahac
