Foto Google  (https://depositphotos.com/id/vector/cartoon-of-big-man-holding-smaller-mans-neck-and-strangling-him-252826682.html)

Maibe, Diretóra Servisu Munisipal Edukasaun Covalima, Elda Maria, klarifika ba jornalista sira katak, mestri ATB, hatama karta pedidu ba lisensa la ho bensimentu durante tinan rua, ne’ebé to’o ona iha Komisaun Funsaun Publiku no fo ona despaixu ba servisu Edukasaun Covalima.

Diretóra Servisu Edukasaun Munisipiu Covalima mos kontra kronolozia konaba agresaun fiziku hasoru ninia Subordinadu.

“Ohin Dader 9:10 OTL nia ba iha ami nia rekursu nia husu señor Candido” hau nia salariu tamba sa ko’a” entaun señor Candidu esplika dehan katak “se ko’a ona entaun ita bo’ot nia pedidu iha ne’eba aprova ona” nia dehan tanba sa ko’a tanba seidauk iha karta kuñesimentu mai ha’u tanba sa ko’a katak hanesan ne’e la konsege señor Candido ko’alia ba nia, nia lansung buti kedas señor Candido nia kakorok riba tun ba rai. Ha’u mos la hare no ha’u rona sira hakilar iha liru no feto sira mos balu halerik no hakilar iha buat ruma, ha’u sai ba hare señor Candido ema rasta sai ba liur no iha señor Abilio mak iha laran, entaun ha’u hakat ba, ha’u hanoin nia bele kalma, ha’u dehan ba nia alin kalma akontese saida bele ko’alia, hatete hanesan ne’e nia hatan dehan “tanba sa ko’a ha’u nia salariu ne’e”, ha’u dehan entaun “ ita bo’ot hatene, ita bo’ot nia pedidu ne’e atende ona mak foin ko’a”,  ne’e mos nia dehan “labele” nia komesa ko’alia barak ona no halo ita nervosu, entaun ha’u dehan “labele ko’alia hanesan ne’e”  fo “liafuan  kurang ajar”, ha’u dehan ba nia “ita ko’alia uza kakutak” ha’u kolia hanesan ne’e nia lansung hodi liman tuh iha ha’u nia rentos hodi dudu ha’u atu monu, depois kala nia atu tuku ha’u mos ha’u la sente seguransa ho funsariu sira hako’ak nia no rasta nia hodi sai “ Diretóra Servisus Munisipal Edukasaun Covalima, Elda de Fatima, Esplika.

Mestri ABT la satisfas tanba funsionariu servisu edukasaun covalima hala’o servisu la ho onestidade hodi atende ninia karta pedidu lisensa la ho bensimentu tanba la fo hatene nia antes molok ko’a ninia salariu fulan setembru 2024 nian. No nia mos rekuñese halo asaun agesivu hasoru funsionariu na’in ida iha edukasaun covalima.

“Ha’u husu Deskulpa lolos ne’e buat hanean ne’e labele mosu, maibe iha fulan ida liu ba ka rua liu ba ha’u hato’o ha’u nia pedidu lisensa la ho bensimentu ba ministeriu edukasaun atu levanta ha’u nia dadus ne’e la’o tuir nia prosedimentu entaun atendimentu durante ne’e, hau halo pendekatan secara individual ba sira Edukasaun Munisipiu katak sei prosesu, entaun hau konsidera, ha’u fiar, ha’u hein no hein tanba ha’u presiza atu husu lisensa la ho bensimentu no atu deskansa itoan, alende ha’u mai ko’alia direita ho Xefe Departamentu, Señor Candido, ha’u mos liu husi WhatsApp, ami na’in rua komunika malu, ha’u la dun satisfa, bainhira ami kontaktu ita bo’ot sira le hotu nonok deit, nein fo liafuan ida rua mai ami. Ne’e halo ami ne’e duvidas, liu ida ne’ e ha’u telfone sira dehan hein hein, horiseik ha’u nia oan sira lori ha’u nia ATM  ba tu ha’u nia bensimentu la tama, ohin mos ba tuh ha’u nia bensimentu la tama, hein ha’u nia karta despaixu seidauk tun. hau nia bensimentu ko’a ne’e viola ami nia direitu klaru ke ha’u hato’o ha’u nia lisensa la ho bensimentu, Hau la preokupa, ha’u nia bensimentu, mais anten ko’a ha’u nia bensimentu, despaxu tenki tun uluk, depois mak ita bo’ot sira iha diretu atu ko’a karik despaixu seidauk tun ita bo’ot sira la iha direitu atu ko’a bensimentu tanba ne hau nia direitu” ABT Klarifika.

“Ha’u hato’o ona karta lisensa seim bensimentu iha dia 25 de Agusto to’o 2025, ha’u husu tinan rua, ha’u la simu deit karta despiaxu konaba atendimentu ha’u nia pedidu ne’e seidauk tun, bensimentu para uluk ona ne’e mak labele, ha’u ohin mai konfirma konaba ha’u karta lisensa sein bensimentu ne’e, prosesu to’o ona iha ne’ebé? Sr Candido dehan “sei prosesu hela” ha’u dehan “los sei prosesu hela, tanba saida mak sei prosesu hela, maibe ha’u nia bensimentu ko’a uluk ona ne’e tanba saida? Karik imi iha ne’e servisu la ho onestu, servisu lahatene, sai ! ne’e nia hamrik sai mai dehan “ eipha ne’e labele”, ha’u mos ko’alia ho oin mean hela, la kontrola ha’u nia an, ha’u kaer nia tuda tun iha ne’eba, ha’u la baku, ha’u kaer iha nia kakorok mak dudu tun iha ne’eba. Ohin ha’u mai dehan sei prosesu hela, sira lori ha’u ba tia polisia, ha’u nia karta ne’e sira lori ba tia uma. Afinal ha’u nia karta ne’e sai tia iha dia 4.” ABT hato’o.

Entretantu, despaixu ba karta lisensa la ho bensimentu ba mestri ho inisial ATB ne’e fo sain ona iha loron hat fulan setembru tinan 2024.

Jornalista : Alfredo Barreto

Editor        : Chamot Nahac