Covalima (RCCT) 30-08-23–Dewan Solitaridas Mahasiswa Pemuda Pelajar Timur Timor (DSMPPTT) iha Munisipiu Covalima hamotuk Na’in 78 Simu ona Sertifikadu Apresiasaun ba sira nia kotribuisaun kuta ba liberta timor leste iha tempu pasadu, husi Komandante Em Xefe Kay Rala Xanana Gusmao.
Jose do Rego Carvalho, Kord, DSMPPTT Postu Administrativu Fohorem, senti onoradu ho sertifikadu rekonesimentu ne’e, no DSMPPTT sei iha tan luta boot ida hodi fo kotribuisaun ba liberta povu timor leste
“Senti Onoravel tanba Maun Bo’ot Kay Rala Xanana Gusmão rekuñese ami nia luta iha tempu pasadu ba liertasaun nasional, ida ne’e hanesan misaun foun ida ba ami atu luta ba liberta povu ida ne’e husi kiak no mukit” dehan Jose do Rego Carvalho
Primeru Vice Prezidente DSMPPTT Nasional Francisco Mariano dos Santos dehan Dewan tenki kontribui ba dezenvolvimentu iha area oi oin, hamotuk ho etidades hotu luta ba povu nia moris diak.
“Dewan tenki Kopera ho entidade hotu hotu, ita nia vetenanu sira, Polisia sira, no ema hotu hodi kontribui ba dezenvolvimentu iha area oin oin” Katak Primeru Vice Prezidente DSMPPTT Nasional Francisco Mariano dos Santos.
Partisipa iha Serimonia Atribuisaun Sertifikadu no Reprezenta IX Governu hodi Selebra Loron Konsulta Popular iha Covalima, SEDL Mateus dos Santos Tallo husu, DSMPPTT atu hamotuk nafatin hodi kontribui ba dezenvolvimentu nasaun nian liu liu iha Munipiu Covalima.
Atribuisuan Sertivikadu Apresiasaun hodi Rekonese memebru DSMPPTT nain 78 ne’e, relasiona ho selebra loron konsulta polular ba dala 24, nebe Munisipu Covalima realiza iha Eis Komarka Portuguesa, Kalbosu iha Tasi Ibun Suku Suai Loro, Postu Administrativu Suai, iha loron 30 fulan 2023.
Joralista : JC
Editor : CN
