Covalima (RCCT) 14-08-23 Membru Orenizasaun Arte Marsiais Persaudaraan Setia Hati hamutuk na’in-788 iha Munisipiu Covalima simu ona graduasaun hodi sae warga ba tinan 2023, ne’ebe hala’o iha salaun Diamond Suai Sesta foin lalais ne’e.
Administrador Munisipiu Covalima Francisco de Andrade, enkoraza nafatin ba joven sira liliu ba organizasaun PSHT nune’e graduasaun ida ne’e bele lao ho diak ho susesu. No durante ne’e Administrador haree organizasaun PSHT nia nia disiplina as liu organizasaun arte marsias seluk.
Dewan Pusat PSHT Madyum Indonezia Drs. Ersono agradese no fo obrigado ba governu Timor-Leste ne’ebe fo ona lisensa ba organizasaun PSHT iha Covalima hodi realiza sermonia graduasaun ba membru PSHT foun sira sae warga.
Prezidente Sub KRAM Munisipiu Covalima, Francisco Barros hatete durante atividade graduasaun ba membru PSHT foun sira sae warga lao ho susuesu ne’e laos Sub-KRAM lao mesak maibe involve autoridade sira hotu inklui organizasaun arte marsiais sira seluk hotu partisipa hodi fo seguransa ba membru PSHT foun sira simu graduasaun ida ne’e.
Entertantu durante atividades graduasaun ba membru PSHT foun sira iha Covalima lao diak no susuesu tanba hetan apoiu seguransa husi PNTL Munisipiu Covalima no apoiu seguransa husi organizasaun arte marsiais sira seluk hanesan IKS-PTL, KORK, Seruling Dewata, Taekwondo, THS-THM no arte marsiais sira seluk inklui iha organizasaun PSHT rasik.
Jornalista JS
Editor CN
