.png)
Ildefonso Maria Amaral hatete reuniaun foka liu ba progresu fiziku implemetasaun PNDS 2021-2023 no proposta ba PMOPA 2024.
“Asembleia Postu Administrativu (ASPA) ohin ami halo reuniaun ida ne’e hodi ko’alia konaba proposta rua, ida maka proposta ida husi PNDS ne’ebé hato’o nia progresu fiziku hahu husi 2021-2023, ba aprezenta ne’e husi PNDS ba membru ASPA iha nivel postu administrativu, no ida seluk ko’alia konaba proposta PMOPA ba 2024 nian atu nune’e iha proposta refere maioira mai husi suku tuir planu kuda ai oan iha be matan sira, hamos fatin turistiku, nune’e mos membru ASPA sira iha reuniaun ida ne’e rekomenda katak presija hadi’a menu indikativu ka mata dalan atu nune’e orsamentu refere bele halo netik obra ruma iha postu administrativu ida ne’e” dehan Prezidente ASPA Ildefonso Maria Amaral.
Membru Asembleia Postu Administrativu, atual Xefe Suku Labarai, Paulo de Sena, relata progresu PNDS iha Suku Labarai 2021 ba implemetasaun UNP-2 finaliza ona, ba progresu konstrusaun ponte ida iha Aldeia Bonuk atiji pursentu 85, konaba PMOPA sei implementa tuir programa anterior nian.
“Iha hau nia Suku Labarai progresu ba Uma Naroman ba Povu (UNP)-2, oha ne’eba implementa uma kain-9 remata ona, depois ponte ida iha Aldeia Bonuk nian kuaze nia progresu tuir aprezentasaun ohin tama ona ba pursentu 85 atu tama ona ba pursentu 100, tuir fali iha 2024 nian konstrusaun moru haleu eskola baziku filial Labarai nia progresu agora sae ona ba pursentu 5, konaba implemntasaun programa PMOPA ba 2024 nian iha Labarai sei nafatin tuir ita nia xefe suku sesante nian depois ida ne’e sira hala’o nafatin programa kuda ai oan iha be matan iha aldeia Bonuk depois ida ne’e hamos estrada ba iha husi Labarai ba iha Tasi” Xefe Suku Labarai dehan.
Entertantu iha reuniaun Asembleia Postu Administrativu Suai ne’e partisipa husi Sekretariu Munisipal Asuntu Administrasaun Finansas, Alberto Moniz de Araujo, Diretór Servisu Munisipal Administrasaun no Rekursu Humanu, José Manuel Gonçalves, Prezidente ASPA Ildefonso Maria Amaral, Atual Administrador Postu Administrativu Suai ho membru asembleia inklui Pontu Fokal Sekretariu Estadu Dezenvolvimentu Lokal destaka iha Suai Nicolau Tilman.
Jornalista : Julio Salinas
