Covalima (RCCT) 04-03–24-Ososrio Soares “Mausoko” hatete Munisipiu Covalima realiza serimonia estandarte bandeira nasiona hodi komemora loron veteranu ba dala hitu tanba hetan orientasaun husi Prezidente Konselho Kombatentes Libertasaun Nasionál Riak Leman.
Prezidente Konsellu Kombatentes Libertasaun Nasionál Munisípiu Covalima, Ososrio Soares “Mausoko” esplika durante ne’e timor leste selebra loron nasional veteranu iha Dili deit maibe iha tinan ne’e realiza iha kada munisipiu iha teritoria nasional.
“Tinan-tinan ami komemora loron veteranus iha nasuonal maibe iha dia 24-25 fulan kotuk ami ba halo enkontru iha Dili ita nia Prezidente Konsellu Kombatentes Libertasaun Nasionál Riak Leman fo orientasaun dehan katak komemorasaun loron veteranu monu iha 03 de Marsu ne’e hotu-hotu tenke hala’o iha nia munisipiu, tanba ne’e ohin ita mos realiza iha Covalima,” informa Prezidente Konsellu Kombatentes Libertasaun Nasionál Munisípiu Covalima Ososrio Soares “Mausoko”, ba RCCT hafoin remata partisipa iha serimonia estandarte bandeira nasional hodi komemora loron nasional veteranu ba dahituk ne’ebé realiza iha resintu Administrasaun Munisípiu Covalima Domingu (03/03).
.png)
Partisipa iha serimonia ne’e, Venançio Gusmão kodigu Virus Anin Moris konsidera nia an hanesan veteranu ida maibe seidauk hetan subsidiu husi governu maske nia rejista ona iha tinan 2003.
“Ohin iha Suai halo serimonia loron veteranu nian, ohin loron ha’u mai partisipa, to’o ohin loron ha’u seidauk simu osan veteranu nian maibe ha’u hatene katak ha’u ema veteranu duni tanba ha’u luta hahu husi 1976-1979, tan ne’e ha’u hatene an mai iha ne’e, maske moras ha’u paksa an mai asiste serimonia ne’e, ohin loron besi roha husi morteru nakfera iha Tuna Maus, nia rohan kona ha’u seidauk hasai to’o ohin loron, ha’u hanesan ema aleizadu ona, servisu mos labele ona, maibe ha’u hatene an ha’u ema veteranu mai nafatin, ha’u hahu rejista naran iha tinan 2003 mai taka naran hare ha’u hetan tinan 8 tuir fali hetan kondekorasaun, mai fali atu hetan osan nian ho grau zero A 3, depois ba to’o 2014 ha’u foti fali keterangan dokter lori ba aprova depois mai fali osan nian, ha’u nia naran iha maibe durasaun servisu laiha ida ne’e maka ha’u husu irmão SAKARI dehan o nia hein laiha tanba malae maka halo seleksi ne’ebé ema la’o ladi’ak ka ema toba la hader ona maka o foin bele hetan” dehan Veteranu Venançio Gusmão kodiku Vuirus Anin.
Entertantu Prezidente Konselho Kombatentes Libertasaun Nasionál Munisípiu Covalima, Ososrio Soares kodiku Mausoko iha selebrasaun loron veteranu ba dala 7 iha Munisipiu Covalima ne’e husu ba juventude hotu liliu ba intelektuais Covalima oan atu fo liman ba malu kria paz no dame para bele hadi’a dezenvolvimentu iha rai Covalima.
Jornalista : Julio Salinas/Moichung
Editor : Chamot Nahac
