Covalima (RCCT) 14-11-23–Veteranu Maubere Eleito Sai Xefe Suku Suai iha eleisaun orgaun suku segundu volta ho total votu 1035 no Re Kandidatura Mantinho Mendonça derota ho votu 978.
Xefe Suku Suai Loro Eleitu Manuel Gomes da Costa “Maubere” kongratula komunidade Suai loro ne’ebé fo konfiasa hodi lidera suku suai loro durante tinan 7 nia laran hahu tinan 2023 to’o 20230. Nune’e Xefe Suku Eleitu ne’e kompremete sei servi povu suai loro hodi hatur ema hotu iha dasin ne’ebé hanesan.
“Agradese wa’in tebes tanba fo konfiasan hodi hili ona ha’u atu tutur no hasa’en todan ne’ebé agora imi tula, ha’u prontu atu servi no hare povu iha suia loro laran tomak, tantu ki’ik ka bo’ot, maluk difisiensia sira, tan ho votu konfiasa ne’ebé fo mai, ha’u prontu servi, nune’e labele hamosu rasa kesal ou rasa kencewa iha loron ikus” Deklara Xefe Suku Suai Eleitu, Manuel Gomes da Costa ” Maubere” Hafoin ekipa susesu remata konfrensia imprensa hodi hato’o agradese ba komunidade suku suai loron nia votu konfiasan, Tersa (14/11) iha xefe Suku Eleitu nia rezindesia.
Entretantu Eleisaun Orgaun suku tinan 2023, iha Suai Loro, Primeiru Volta Kompete husi Kanditura na’in 10 kompostu husi mane 9 feto 1, abansa ba segundu volta ho kandidatu na’in 2 Manuel Gomes da Costa “ Maubere” no re Kandidatura Xefe Suku Suia Loro Martinho Mendonça, maibe rezulta ikus Povu Suai loro maioria fo sira nia konfiasa ba Maubere mak lidera Suku Suai Loro durante tinan 7 mai.
Jornlista : Julio salinas
Editor : Chamot Nahac
