Covalima ( RCCT ) 24-02-21- Governu liu husi Ministério Defesa tenki koloka segurança maximu iha linha Fronteira atu nune’e ita bele asegura Timor Leste husi moras Covid-19 labele daet ka transforma klandestinamente husi nasaun vizinu Indonesia mai Timor Leste.
Ko’alia ba Radio Cova Taroman, Akademista iha Covalima Martino Noronha dos Santos, Tersa Feira (23-02-21), Nia dehan ema tama no sai bebeik husi dalan illegal iha Area Fronteira la’os tanba fallansu servisu husi Polisia Unidade Patrolamentu Fronteira (UPF), maibe tamba Timor Leste sei Menus Rekursu hodi halo Siguransa iha Area Fronteira Timor Leste no Indonesia.
” Durante ne’e Ita hotu hatene katak iha linha fronteira menus seguransa, hanesan ema Covalima oan ha’u hatene, no rona informasaun,hare rasik parte polísia Unidade Patrulamentu Fronteira ( UPF) kaptura ema sira nebe tama sai ilegal iha linha fronteira, ne’e la’ós sala husi seguransa sira maibe seguransa iha linha fronteira ne’e mak menus rekursu atu halo patrulamentu iha fronteira.” Katak Martinho
Martinho mos dehan Se ema nafatin halo movimentu tama no sai Ilegal bebeik, mak Covid-19 mos fasil atu tama mai Timor Leste, tanba ne’e Akademista Covalima oan ne’e husu ba Ministerio defeza atu aumenta numeru siguransa iha iha linha fronteira liu husi Koloka tan F-FDTL hodi hametin siguransa iha Linha fronteira hodi kontrola atu ema labele halo movimentu tama no sai Ilegal.
“se hanesan ne’e bebeik mak fasil ba ema sira nebe husi Indonesia lori moras covid-19 mai Timor-Leste liu husi dalan ilegal, tanba ne’e husu ba Governu liu husi Ministerio Defesa atu bele koloka tan F-FDTL hodi apoio UPF hodi hametin siguransa iha Area Fronteira iha Covalima. ” Tenik Martinho.
Tamba ne’e nu’udar ema Covalima oan husu ba Ministeriu Relevante atu hare’e problemas ida ne’e oinsa husi Ministeriu ne’e rasik atu aumenta tan seguransa FFDTL hodi apoiu servisu UPF iha linha fronteira.
Jornalista : Saturnino Soares & Elio Dos Santos
Editor : Chamot Nahac
#Hamutuk_Ita_Luta_Kontra_COVID-19:#Uja_Maskara#Fase_Liman_Beibeik_Ho_Sabaun #Halo_Distansia_Fisiku.
