Maibe antes ne’e Servisu Edukasaun Munispiu Covalima enkamiña lista ba iha Ministeriu hamotuk ema na’in 345, maibe depois ministeriu halo konfirmasaun mak iha deit ema na’in atus rua resin mak selesionadu ba funsionariu permanente.

Hafoin hare tiha lista ne’ebé publika no taka iha kaudru informasaun Edukasaun Covalima, Profesora Kontratada, Maria de Araujo ne’ebé asina ona nudar manorin kontratadu iha tinan 2013, triste tanba nia naran la selesionadu sai funsionariu permanente, maske sai ona profesor kontratadu kauze tinan 10 ona eskola basiku haemanu.

“Ami ohin loro mai hotu iha ne’e tanba ami nudar profesores kontratadu sira atu hare ami nia naran ne’ebé mak atu muda ba iha estatutu fungsionariu permanente nian, maibe ohin loron ha’u senti tristi tanba ha’u hare ha’u nia naran laiha, ne’e duni ha’u husu minieteriu edukasaun atu tau atensaun ba ami profesores sira ne’ebé maka naran agora dadaun laiha ne’e tanba ami servisu durante tinan barak ona, ami hahu asina kontratu iha 2013 ete agora ami hare fali ami nia naran laiha ne mak senti triste” Informa Profesora Kontratada Maria de Araujo.

Xefe Departamentu Jestaun Administrasaun Eskolar Covalima, Grigorio Ferreira Afonso, deklara Servisu Edukasaun Munisipiu Covalima haruka naran profesor kontratadu ba Ministeriu hamotuk ema na’in 345 maibe ema na’in 75 mak naran seidauk tama iha lista ne’ebé publika.

Nia mos dehan profesor kontratadu sira ne’ebé atu asina hodi muda estatuta ba funsionariu permanente iha Covalima hamotuk ema na’in 270, maibe depois rekursu umanu husi ministeriu edukasaun halo kofirmasaun, naran ne’ebé tama lista hamotuk 261, husi lista ne’e ema na’in 9 mak husi Munisipiu seluk.

” Ha’u hanoin naran ne’ebé responsavel haruka ba nasional 345 profesores, entre 345 ne’e infelizmente naran ne’ebé mak haruka mai naran iha lista 270, maibe rekursus humanus depois konfirma naran, Covalima lolos ne 261 ema na’in 9 ne husi munisipiu seluk pur tentu husi 270 ne’e 261 husi Covalima na’in 9 ne husi Munisipiu seluk entri 345 ema nain 75 mak naran seidauk publika iha ne’e” Grigoriu esplika

Grigorio mos deklara halo ona konfirmasaun ho Ministeriu atu Profesor kontratadu sira ne’ebé naran seidauk iha ne’e, hatama sira nia diploma ikus ne’ebé legalizadu, avaliasaun dezempeñu hahu 2021 to’o 2022, maibe ne’e ba deit profesor kontratudu sira ne’ebé ho nivel edukasaun lisensiatura no baxarelatu hodi hein desizaun husi ministeriu edukasaun.

“Ita konfirma ona ho rekursu umanu, haruka sira hatama sira nia diploma ikus legalizadu husi ministuriu superior depois avaliasaun dezempeñu 2021 to’o 2022 depois ita relata fali ba nasional, ba sira ne’ebé diploma baxsarelatu ho lisiensiatura ida sekundaria ne ita haruka naran deit baisarelatu ho lisensatura sekundaria ita hein desizaun ministeriu” tenik nia

Entretantu Profesor Kontratadu ne’ebe tuir lista fo sain husi ministeriu edukasaun, husi Covalima total ema na’in 270 maibe depois de rekursu umanu ministeriu edukasaun halo konfirmasaun lista aumenta tan ema na’in ida.

Engkuantu molok ne’e servisu edukasaun Munisipiu Covalima haruka naran profesor kontratudu husi Covalima ba Ministeriu Edukasaun hamotuk ema na’in 345, entre numeru ne’e ema na’in 75 mak naran seidauk tama iha lista.

Jornalista : Moichung/Balta Monis

Editor        : Chamot nahac