Covalima (RCCT) 11-02-21- Populasaun iha Aldeia Lakonak Babu Suco Debos Senti Kontenti ho Ai han Sesta Bazika nebe Governu Fonese liu husi Kompanya Aitula. Hanesan Populasaun Marçal Adriano Jasinto espresa liu husi intervista nebe hala’o ho Jornalista RCCT Quinta Feira (11-02-21) hafoin simu sasan sesta baziku iha Aldeia Lakonak Babu, Suco Debos.
” Hau orgulho ho Companha Aitula tanba fahe sasan nebe kualidade diak mai ami,sasan nebe Ami simu ne’e maka, kada ema Ida hetan fos folsom saku, Bimoli tolu, sabaun, pastadenti, rinso, escoba nehan, masin midar no café, Aitula mos fo tan naan karau kilo Ida, susuben enak iha Lata.” dehan Marshal Adriano ba jornalista.
Populasaun ne’e mos dehan aleinde fahe Aihan ba komunidade, Kompanya Aitula mos fo sasan disinfektan no fasilidade Hand Sanitizer ba komunidade sira iha Aldeia Lakonak.
“ami mos simu material Disinfektan no sasan hamos liman nian (Hand Sanitizer) husi Kompanya Aitula.” Komunidade Lakonak Babu Marçal Adriano Jasinto Hakotu.
Jornalista : Jhana Cardoso
Editor : Chamot Nahac
