Ministru Agrikultura Pekuaria Peska no Floresta Marcos da Cruz hatete informa katak iha trator hamotuk unidade 30 mak desloka mai iha sentru manutesaun trator Covalima, maibe dadaun ne’e iha trator hamotuk 18 mak dadaun ne’eat ona no iha trator unidade 8 mak sei halo operasaun no persija halo manutensaun.

Notisia relevate : https://radiosuai.blogspot.com/2024/03/mappf-marcos-da-cruz-observa-irigasaun.html

“Ohin mos ita mai hare trator sira ne’e nia kondisaun, tanba iha fulan hirak liu ba ami muda uitoan atu halo manutensaun trator, tan ne’e mak ha’u mai hare ho matan rasik katak trator hira maka sei bele hadi’a no trator hira mak labele hadi’a ona, ne’ebé Covalima iha trator 30 sira informa mai ha’u, maibe husi trator 30 ne’e iha trator 18 maka kondisaun ladi’ak, trator 8 sei bele hadi’a ne’ebé ita sei iha orsamentu atu hadi’a, mekaniku sira identifika ona” informa Ministru Pekuaria Peska no Floresta Marcos da Cruz ba Radio Comunidade Cova Taroman iha Oebaba.

Le tan: https://radiosuai.blogspot.com/2024/03/mappf-marcos-da-cruz-observa-irigasaun.html

Ministru Pekuaria Peska no Floresta Marcos da Cruz, hatete trator sira ne’ebé at la’os deit akontese iha Covalima maibe iha munisipiu hotu trator at hafoin ekipa makaniku identifika.

“Mekaniku sira identifika ona trator iha Timor laran tomak, ba trator sira ita sei bele hadi’a ne’e ninia pesa kompaña hatama ona ne’ebé ita sei hare para ita nia mekaniku sira sei la’o tun ba munisipiu hotu hodi hadi’a trator sira ne’ebé sei bele presija hadi’a” Informa Ministru.

Entertantu Covalima iha trator hamutuk unidade 30, husi númeru ne’e iha trator unidade 18 maka avaria ka at ona maibe iha balu sei bele hadi’a no balu labele hadi’a ona, ba trator sira ne’ebé oras ne’e sei di’ak iha trator unidade-8 maka tratorista sira hodi hala’o servisu fila komunidade sira nia to’os, maibe husi trator 30 ne’e iha unidade 4 maka halo ona lelaun.

Jornalista : Julio Salinas

Editor : Chamor Nahac