Hafoin halo observasaun no rona preokupasaun husi komunidade natar na’in sira, Governante antisiazmu lakohi Agrikulro natar na’in sira halerik ba be atu hodi halai sira nia natar,Nune’e MAPPF Marcos da Cruz dehan desloka eskavator ida iha Covalima atu hodi halo normalizasaun ba mota tafara no mota Lo’omea nune’e tempu udan, mota tun labele estraga bee dalan sira ne’ebé dada husi mota tama ba natar laran hanesan kondisaun dadaun ne’e nakonu ona ho fatuk no raihenek hodi difikukta be labele suli tama ba iha natar laran.
“Hafoin tun ba iha natar laran, agrikultor sira hasoru problema maka be laiha, maibe tama ona ami bele halai natar, maibe povu Suai Loro ninia antuasiasmu, povu kontente katak ita bele ba to’o sira nia fatin, problema mak sira dehan ne’e mak ha’u dehan ba sira katak be tama ona mai hafoin ita iha Sesta ne’e ba halo normalizasaun kanu hasan iha mota Tafara, sira mos husu katak be ne’e bainhira para fali ou mota estraga fali kanu hasan, husu para eskavador bele nornamliza fila fali, tanba ne’e dehan ba sira katak agora eskavador ida sei monta duni iha Suai ne’e, bainhira deit maka sira presija atu ba normaliza mota ne’e sira kontak deit ba iha Diretór Servisu Munisipál Agrikultura Munisipiu Covalima no mos Diretór irigasaun iha ne’e” dehan Ministru Agrikultura Pekuaria Peska no Floresta (MAPPF), Marcos da Cruz, ba Radio Comunidade Cova Taroman iha irigasaun Oebaba, Suku Raimea, Postu Administrativu Zumalai, Sabadu (09/03).
Ministru Agrikultura Pekuaria Peska no Floresta (MAPPF), Marcos da Cruz, husu natar na’in sira iha Suku Suai-Loro atu nafatin mantein lai ho trator ne’ebé oras ne’e iha hodi halai natar, maibe sei tau planu atu ajuda tan trator ba sira tanba tan Govornante ne’e konsidera no louva ho kopesaun entre xefe suku ho agrikultor sira badinas halai iha suai loro.
“Sira husu mos trator maibe ha’u dehan ba sira katak ita bo’ot uza lai trator sira ne’ebé iha daudaun, tanba iha Sesta ne’e ha’u entrega ona trator bo’ot 4 ba Prezidente Autoridade Munisipiu Covalima, maibe ita sei hare oinsa atu ajuda duni sira, tanba sira iha ne’eba halo servisu di’ak badinas, sira mos dehan katak oinsa konaba extensaun nian ne’ebé iha ne’e diretór nasional ba estensaun nian mos iha, atu ko’alia ho extensionista sira hodi hanorin agrikultor sira kona pratika kuda haree atu nune’e bele aumenta produsaun, ita hare xefe suku mos iha vontade hodi mobiliza ninia komunidade sira tun ba iha natar, ita hakarak xefe hotu iha Timor laran ne’e hanesan xefe suku Suai-Loro ne’e fiar katak ita bele hetan susesu produsaun hare diak iha Timor-Leste” dehan Ministru Agrikultura Pekuaria Peska no Floresta (MAPPF), Marcos da Cruz.
Entertantu ho preokupasaun natar na’in sira nian konaba be no trator, Ministru Agrikultura Pekuaria Peska no Floresta (MAPPF), Marcos da Cruz, responde ona no hatun ona eskavator ida Suai hodi normaliza ona kanu hasan iha Mota Tafara no be tama ona ba natar laran no iha loron sabadu ne’e kedas komunidade hahu halai natar, konaba trator sei tau iha planu no sei ajuda duni trator ba komunidade sira iha suku suai loro.
Jornalista : Julio Salinas
Editor : Chamot Nahac
