MAP-Covalima “Tara Bandu atu halulik no asegura Meiu-Ambiente”

Covalima-RCCT- Seremonia Tara Bandu ne’e hanesan kultura iha Nasaun Timor-Leste nian hodi hanorin nia emar sira atu bele asegura ita nia meiu-ambiente no riku soin sira hanesan ai horis, ai han no animal fuik sira, dehan Diretor Agricultura Municipio Covalima Jeferino Amaral iha nia diskursu wainhira partispa iha serimonia tara bandu tuir lisan no tradisaun Suco Dato Rua, Postu Administrativu Fohorem, Municipio Covalima Tersa Feira (22-09-20).

“ Tan ne’e mak ha’u hakarak hatete deit kata Tara bandu ida ne’e sai hanesan ita nia identidade Timor-Leste ninian hodi halulik ita nia rekursu no ita nia riku soin sira, hanesan ai-horis no ai-laran tuan sira nebe mak iha ita nia Suco laran, .”Katak Diretor Agricultura Munispio Covalima Jeferino Amaral.

Diretor ne’e fundamenta nia parte preokupa ho rikusoin balada mesak furak nebe Suco Dato Rua hanesan  Manu Kakatua, Loriku, no animal fuik sira seluk nebe mak oras ne’e dadaun komesa ona muda ona sira nia fatin ba fatin seluk hodi asegura sira nia aan, tamba ema nia hahalok estragus Ambiente hanesan sunu rai, tesi ai  iha ai laran tuan,

 “ Iha fatin ida ne’e ita hotu hatene katak fatin ne’e riku tebes ho Animal sira ne’ebe mak uniku tebes, uluk iha fatin ne’e mos ita liu ba mai ita hare manu kakatua ho Loriku sira sempre semo ba mai iha fatin ida ne’e, maibe oras ne’e dadaun ita nunka hare ona ita nia animal hirak ne’e, tanba sira komesa ona semo ba buka fatin seluk nebe hakmatek atu asegura sira nia a’an husi ita ema sira nia hahalok estraga ambiente ne’e.”Dehan Jeferino Amaral

Tanba ne’e Diretor Agrikultura  Covalima ne’e husu ba komunidade sira atu kumpri ka halo tuir regulamentu sira nebe Autoridade Suco no Katuas lia na’in sira mensiona iha livru tarabandu ne’e.

 “Husu ba ita hotu atu halo tuir regulamentu ka lei hirak ne’ebe mak autoridade Suco no Katuas lia nain sira ne’ebe hakerek ka mensiona iha livru ida ne’e, tanba regulamentu ne’e estabelese husi hanoin sira nebe autoridade no komunidade rasik nia diskusaun hafoin mak hamosu regulamentu ba tarabandu ne’e. Dehan Jeferino.

Nune’e Diretor Jeferinu mos husu atu komunidade sira labele tesi ai arbiru tan be’e bele fo impaktu ba mudansa klimatika.

 “ha’u mos husu ba ita hotu  atu hahu husi ohin ba oin ita labele sunu rai, estraga ai horis no ai tuan sira ne’ebe mak ita iha, tanba ho hahalok sira ne’e mak ikus mai ita sei hetan impaktu husi mudansa klimatika.”Jeferino Amaral Haktenik

Tuir Observasaun RCCT , iha Seremonia Kultura  Tara Bandu ne’e partisipa husi Administradaor Municipio Covalima, Komandante PNTL Covalima Diretores Linha Sektorais sira iha Covalia, katuas lia na’in, organizasaun naun govermental no patisipa masimu husi kumunidade sira iha Suco Dato Rua, no serimonia Tara Bandu ne’e Organiza husi Centro Juventude Covalima (CJC) neve hetan Apoio Husi Agensia Internasional PAWANKA FUND no AIPP ho total orsamentu hamotuk dollares amerikanu $2.889.00

Ekipa Kobertura         : Asatu Soares & Jose

Editor                         : Chamot Nahac