Asesora Teknika ba Projetu Peskiza iha Sekretaria Estado Dezenvimento Lokal (SEDL) Vanesa Maria da Costa Luz Ferreira informa, Dadus peskiza ne’e sei tulun autoridade sira hodi halo planu dezenvolvimentu komunitáriu no revizaun ba planu estratéjiku dezenvolvimentu munisipal iha tempu besik nia laran.
“Levantamentu ne’e ami bolu peskiza hodi halo Mapamentu ba rekursu no kapasidade sira mak disponivel iha munisipiu, husi ordem servisu ida ne’e, SEDL orienta ekipa tun ba postu hotu, ami nia intensaun atu kobre iha suku hotu iha timor laran tomak, halo levantamentu dadus ba rekursu humanus no kapasidade hotu, ami hasoru malu ho xefe sira hodi halo intrevista konaba dadus rekursu humanus, setor ekonomia, agrikultur, perska, floresta, edukasaun no saude, hakarak hatene rekursu saida mak disponivel iha suku sira nian tanba tuir planu atu halo revizaun ba iha planu estratejia dezenvolvimentu munispal nebe mak kaduka ona iha tinan kotuk. Molok halo rezizaun ami hakarak halo levatamentu, halo atualizasaun fali ba dadus sira ne’e no dadus sira ne’e aban bainrua sei fila mai suku, hodi apoiu suku ba aban bainrua halo sira nia planu asaun,sai mos hanesan referensia ba sira planu asaun anual ne’ebe sei halo tinan ida ne’e no tinan oin mai” Asesora Teknika ba Projetu Peskiza iha Sekretaria Estado Dezenvimento Lokal (SEDL) Vanesa Maria da Costa Luz Ferreira, esplika.
Administrador Postu Administrativu Suai, Ildefonsu Maria Amaral, dehan, iha peskija ne’e, Xefe Suku Na’in lima ho konsellu suku sira iha Postu Suai priensa ona kestionariu husi SEDL hodi bele tulun xefe suku hala’o dezenvolvimentu iha futuru.
“ohin xefe suku na’in lima no konselu suku sira hotu priensa kestionariu avaliasaun ba rekursu kapasidade tuir peskija mai husi SEDL, kestionariu ne’e atu ajuda xefe suku sira hodi hare planu ba furturu” Katak APA Suai, Ildefonso Maria Amaral.
Nune’e mos Xefe Suku Labarai, Paulo de Sena konsidera Peskija ne’ebé SEDL hala’o, faboravel ba suku sira hodi halo preparasaun no sai prontu atu simu planu governu nian ba camra munisipal.
“Ami priensia kestionariu ba avaliasaun rekursu no potensia sira iha suku no postu iha covalima, atu bele iha preparasaun ba iha camra munisipal ne’ebé atu akontese iha tinan oin, tenki iha prepasaun mos husi postu to’o suku hodi simu implementasaun camra munisipiu iha tinan oin mai” dehan Xefe Labarai, Paulo de Sena.
Ekipa peskiza SEDL hala’o levantamentu iha Munisipiu Covalima, durante semana ida iha Postu Administrativu Suai, Fatumea, Fohorem, Fatululik, Maukatar, Tilomar, no Postu Administrativu Zumalia. Hahu iha loron 16 to’o loron 19 fulan abril 2024.
Jornlista : Moichung
Editor : Chamot Nahac
