Covalima (RCCT) 26-02-25-Ministeriu Administrasaun Estatal (MAE) hala’o Atualizasaun dadus Portal Munisipal ba Autoridade sira iha Munisipiu Covalima.
Xefe Departamentu Simplifikasaun Administrativu iha Minsteriu Administrasaun Estatal Alexio Soares informa, Portal Munisipal ne’e importante ba estrutura administrasaun munisipal sira atu bele intende di’ak liu konaba dadus plataforma desenvolvimentu Timor nian.
“ Agora ne’e ita atu halo atualizasaun dadus portal, tanba portal ne’e tuir ninia programa ne’e katak atualiza dadus ne’e hahu iha inisiu semester primeiru no depois to’o iha dezembru. Atu dehan deit hanesan portal ne’e foin mai iha Ministeriu Administrasaun Estatal nia responsabilidade tomak bainhira halo ona lansa ba iha balkaun ho portal, sei hand over kedas mai iha MAE. Plataforma inisia husi UNDP ho Ministeru Administrasaun Estatal tuir politika Ministeriu ninian katak portal ne’e sei hela ba iha Munisipiu Covalima tanba ne’e maka ita mai atualiza dadus sira ne’e para estrutura sira mos bele intende katak importansia husi portal Munisipal ne’e ba sira hanesan baze de dadus, plataforma baze de dadus, prosesu Desenvolvimentu iha Timor” informa Xefe Departamentu Simplifikasau Administrativu iha Minsteriu Administrasaun Estatal Alexio Soares
Sekretariu Munisipal Planeamentu Investimentu no Dezenvolvimentu Integradu, Caetano dos Santos Ribeiro hatete, dadus hotu hotu husi Suku no Postu Administrativu sira nian mak akomulu hamotuk, atualiza ba iha portal munisipiu covalima nian,
“Husi ita nia nai Autoridade Munisipal para atu lidera hodi elabora dadus Portal Munisipal maibe lolos ita seidauk bele temi Portal Munispal tamba ida ne’e faze profile Munispial no Profile Postu nian hirak ne’e tama hotu no halibur hotu maka akumula ba iha fatin ida deit mak ita foin bolu Portal Munisipal, servisu hirak ne’ebé mak mensiona, ideia husi ha’u, ami hamutuk na’in sia ou sanulu hanesan ne’e” hatete Sekretariu Munisipal Planeamentu Investimentu Desenvolvimentu Integradu Caetano dos Santos Ribeiro
Entretantu hala’o atualizasaun dadus Portal Munisipal ne’e hala’o iha salaun administrasaun munisipiu Covalima, ne’ebé Partisipa husi Diretór Servisu Munisipal sira, Administrador Postu hitu mak ejiste iha munisipiu Covalima.
Jornalista : Alfredo Barreto
Editor : Chamot Nahac
