COVALIMA—-Ministru Administrasaun Estatal (MAE) Miguel Pereira de Carvalho akompaña husi Vise Ministru Administrasaun Estatal ho nia ekipa hamutuk ho administradór munisípiu covalima distribui kalen Uma Naroman ba Povu (UNP) Plus B ba benefisiáriu, iha postu administrativu suai, munisípiu Covalima, Kinta (02/02).
“Ha’u simu konvite husi Mdministradór Munisípiu Covalima ho populasaun sira iha postu administrativu Fohorem atu atende ajenda prinsipal sira hanesan ba dahuluk distribuisaun kalen ba benefisiariu por volta 185 família polulasaun kada benefisiáriu kalen besik palaka 100, iha postu administrativu suai iha“ i forma Governante MAE, Miguel Pereira de Carvalho , hateten ba jornalista sira,iha resintu Administrasaun Munisípiu Covalima.
Governante ne’e afirma programa distribuisaun kalen ba benefisiáriu sira ne’e, VIII Governu konstituisionál implementa iha tinan kotuk hodi kontinua implementa iha tinan ne’e hodi troka polulasaun sira nia kalen ne’ebé fruzen no kuak, ho nune’e liu husi sekretariadu PNDS ho xefe suku ho ekipa jestaun suku konsege identifika benefisiáriu sira mak ohin distribui ona ne’e.
“ohin loron ha’u mai iha ne’e ha’u kontente tebes hodi hasoru direitamente ba benefisiáriu sira hodi espresa sira nia sentimentu kontente ba programa ferere, ha’u kontente liu tanba la iha reklamasaun husi benefisiáriu signifika programa ne’e benefisia ba povu hotu” nia haktuir.
Alende distribui kalen nia mós sei kontinua hala’o inaugura Uma Naroman ba povu iha suku sira postu administrativu Fohorem, munisípiu Covalima.
Ho nia prezensa iha Covalima hanesan oportunidade di’ak tebes atu hasoru benefisiáriu tanba tinan kotuk konstrui uma kada suku balun 9 to’o 10 .
“Ha’u hakarak hasoru komunidade sira iha fohorem hodi koalia atu bele hatene direita implementasaun husi programa ida ne’e nia benefisiu sira liliu komunidade sira hein hele bainhira mak bele sai benefisiáriu ba uma hirak ne’e” nia dehan.
Governante ne’e husu ba benefisiáriu sira hafoin simu kalen ne’e atu sira rasik bele troka kalen sira ne’e programa nia objetivu prinsipal entrega kalen ba populasaun sira no labele repete erru pasadu simu tiha kalen hodi faan tutan no hodi halo buat seluk tan.
Administradór Munisípiu Covalima Francisco hateten, Ministru Administrasaun Estatal Miguel Pereira de Carvalho ho Vise Ministru Administrasaun Estatal ho nia ekipa atu hala’o lansamentu hodi distribui kalen ba benefisiáriu sira.
“Ministru Administrasaun Estatal Miguel Pereira de Carvalho ho Vise Ministru Administrasaun Estatal ho nia ekipa hamutuk ita iha Covalima ida ne’e ho nia obejtivu atu halo distribuisaun programa UKL Plus B” nia hateten.
Autoridade Covalima, louva programa VIII Governu konstituisionál ne’ebé lidera husi Primeiru Ministru Taur Matan Ruak ne’ebé hatene povu nia presija, tanba durante ne’e povu sira sente duni.
Antes ne’e diretór PNDS Covalima Filipe Cardoso fó sai dadus katak ,implementasaun programa Uma Naroman ba Povu ho plus B ne’ebé implementa iha postu administrativu suai iha suku lima (5) ho uma unidade-185 .
Programa UNP ne’e plus B , governu implementa iha postu suai ,munisípiu covalima iha suku sira hanesan, Camanasa, Suai-Loro, Debos, Beco no Labarai.(Azu)
