Covalima (RCCT) 21-02-21- Marcelos Soares Pinto ho naran kodigu durante tempo Resistensia Emteker, moris iha Ponta Leste, Municipio Wekeke iha Karau Balu (11/6/1962), forma uma kain no hela iha Municipio Covalima iha 1994 to’o agora nia hela iha Suco Ogues Posto Administrativu Maukatar.
Marcelos Soares Pinto alias Emteker hahu halo produsaun kadeira no Meja liu husi Homan rotan iha Covalima Komesa iha tinan 1993.
Ko’alia ho Radio Cova Taroman (RCCT) Marcelos Soares Pinto alias Emteker dehan iha tinan 1994 hafoin forma uma kain ho nia spoza Agustinha Hoar, nia foti dezizaun hodi halo fali aktividade arte human rotan hodi produz kadeira no meja hodi sustenta nia nia nesidade uma laran hahu iha tempo neba to’o tinan 1999 obrigadu tenki para tanba situasaun Politika ba refendum RDTL ninian.
“Depois Ha’u Forma Familia ho Hau nia ferik oan Agustinha, iha tinan 1994 ha’u disidi halo fali Aktivadede produs kadeira no meza liu husi Roman Rotan nune’e bele Sustenta ami nia persija uma laran nian, tanba ho kondisaun difisiensa fisiku nune’e ha’u la forsa atu halo servisu seluk” Nia haktuir.
Marcelos Soares Pinto alias Emteker mos hatuir ba dadaun ne’e iha ona oan na’in 5, feto na’in 4 no mane na’in 1, agora nia ho familia hela iha Suco Ogues, Postu Administrativu Maukatar, Municipio Covalima, no atu sustenta nesidade uma laran no suporta oan ba eskola, Emteker halibur osan liu husi produs Kadeira no Meza husi Rotan.
Nia hatutan rezultadu husi produs kadeira no meja husi homan rotan mak nia bele suporta nia oan sira bele ba estudu to’o iha nivel Ensino Superior, nebe oan feto ida Gradua ona iha Universidade Nasional Timor Lorosae (UNTL) ho Lisesiada do edukasaun departamentu Lingua Portuguesa, mane na’in ida no feto Rua seluk sei kontinua estudu iha Ensino Superior iha UNTL no UNITAL, feto Ikun mak sei iha Ensinu Basiku.
“Ha’u Hodi faan kadeira no Meja nebe halo husi rotan ne’e ha’u bele suporta ha’u nia oan sira ba eskola to’o mahasiswa, nebe ida Feto Bo’ot ne’e Wisuda ona iha UNTL nia hili Liagua Portuguesa, feto segundu no mane da hat ne’e ne’e sei eskola iha UNITAL, Sira hili Saude hotu, feto ne’e hili Laboratoriu, maibe hau nia oan feto ketiga iha fali UNTL nia mos hili Saude maibe nia Gosta servisu Farmasia, ida kiik ne’e mak agora sei eskola SMP foin mak kelas 3” Nia Konta
Marcelos Soares Pinto alias Emteker konta konaba Rendimentu nebe nia hetan loro loron husi ema sosa nia produsaun kadeira no meja husi homan rotan, kada loron minimu $ 40 to’o $ 100 maximu bele to’o $ 200. Maibe nia mos dehan Durante situasaun pandemia Covid-19 ninia rendimentu menus liu.
Kadeira no Meja sira ne’e, ema mai sosa deit iha Uma, ha’u la lori ba faan tama sai bairo bairo, hau faan kada kadeira no Meja ida folin hanesan deit, ida folin $ 8.00, kada loron ha’e bele hetan to’o $ 100 dala ruma $200, menus liu mak 40 dolar amerika” Katak nia.
Marcelos Pinto Konta nia istori pasado ba RCCT, Emteker hahu aprende human rotan iha tinan 1973 momentu neba nia foin halo idade tinan 11, Emteker Arte Zenatu ne’e husi Adminstrador ida Naran Telik iha tempo Malae mutin nia ukun.
Konta ba Radio Cova Taroman Suai, Marcelos Soares Pinto alias Emteker dehan nia tenki para Aprende halo aktividade arte ne’e iha tinan 1975 tanba iha momentu neba nia halo ona idade 19 tan ne’e nia disidi atu envolve aan iha Politika luta ba independensia RDTL iha tempo neba.
“Ha’u Para Aprende iha Tinan 1975, tempo neba, hau tama ona tinan 19, tan ne’e hau hili atu inklina an iha Politika luta ba ita nia ukun aan” Nia Konta.
Emteker Kontinua hatutan nia Istoria, momentu halai ba ailaran iha 1975 to’o tinan 1980 nia foin disidi fila tun mai vila tanba Aleza ho kilat musan nebe kona iha nia kelen sorin rezulta tohar iha parte kelen sorin los.
“iha dia 14 fulan Junho 1980, iha Eurong, Natar Bora Ha’u hetan tiru husi Militar Indonesia, nebe tiru kona iha ha’u nia kelen sorin Los to’o tohar, entaun ha’u halai mai subar iha Covalima hodi kura ha’u nia kanek ne’e, depois rekopera, iha tempo neba mai ha’u labele halo servisu todan tan ne’e ha’u disidi halo halo produsaun kadeira bo meja liu husi homan rotan, no kontinua halo politika ba ukun rasik an ne’e” Marcelos Soares Pinto alias Emteker haktuir.
Engkuantu Luta na’in ne’e esplika iha tinan 2008 nia hetan ona rekonhese husi governo hodi asesu ba benefisiariu veteranu maibe osan nebe nia hetan la sufisiente atu hodi hasoru moris loro loron no haruka oan sira ba eskola tan ne’e nia nafatin halo aktividade arte produsuan kadeira no meja husi rotan. Tanba Marcelos kaer metin prinsipio katak ho forsa rasik nebe mak nia iha, liu husi Actividades Homan Rotan produs Kadeira no Meja bele garante oan sira nia susesu hodi hetan futuru nebe di’ak.
Jornalista :Jhana Cardoso
Editor : Chamot Nahac
#Hamutuk_Ita_Luta_Kontra_COVID-19: #Uja_Maskara #Fase_Liman_Beibeik_Ho_Sabaun #Halo_Distansia_Fisiku
