Covalima (RCCT) 12-07-24-Kada fulan Pradet ka Fatin Hakmatek Suai sempre halo flow up ba vitma Violensia sira, lori mos pakote aiha hodi suporta vitima sira ne’ebé konsidera presija tebes hetan tulun emerjensia.

Kordinator Programa Pradet Fatin Hakmatek Suai, Imelda Imaculada Moreira, hatete suporta pakote aihan pakote ba vitima Violensia sira inklui ne’ebe hetan mos apoiu husi Ministeriu Solidaridade Sosial, Alende ne’e Pradet rasik iha programa hakbit ekonomia feto ne’ebé no Inkluzaun.

“Kada fulan halo flow up, maibe ami iha pakote mos ba flow up ne’e hanesan atu suporta aihan ruma ba ita nia vitima sira ne’ebé karik presija urjente, ne’ebé ami iha apoiu pakote ne’e maka hanesan fos, mina, supermi no buat seluk tan, ne’ebé tau kedas iha pakote atu nune’e ami nia kolega sira ba halo flow up hodi fo pakote ba sira, no mos ami servisu hamutuk Ministeriu Solidaridade Sosial no Inkluzaun karik ami ba flow up maka hare ita nia vitima sira ne’ebé maka presija los atu hetan tan suporta emerjensia husi MSSI, ami iha programa ida mos konaba hakbit ekonomia feto, ida ne’e ami halo ho asesmentu karik vitima sira ne’e mai iha ami nia fatin ami halo asesmentu no ami identifika katak ida ne’e presija ajuda, ami bele asesmentu kontinua husi ami nia kolega tekniku atu nune’e nia bele hetan apoiu tama ba iha grupu ida ne’ebé ami suporta, ne’ebé kada tinan ne’e sempre iha ema na’in-10 to’o 15 maibe inklui mos husi Munisipiu Ainaro ho Manufahi” nia dehan.

Pradet Suai fo apoiu ba vitima sira ne’e prioridade ba ida ne’ebé maka konsidera persija liu atu hetan ajuda.

“Apoiu sira ne’e sei hare ida ne’ebé maka prioridade liu atu ajuda, no sira atu hetan ajuda ida ne’e mos iha etapa pur etapa la’os ami ba hare ida ne’e presija fo kedas ne’e lae maibe ami sei ba halo identifikasaun hotu ami tur hamutuk maka deside maka halo asesmentu hotu ami sei hili prioridade liu ida ne’ebé maka atu tama, sira tama iha kategoria ami kontinua halo treinamentu, molok atu fahe suporta ida ne’e mos ami halo formasaun iha edifisu Fatin Hakmatek rasik, treinamentu ida ne’e mos kkona ba haki’ak animal no jestaun orsamentu, treinamentu hotu maka ami foin halo distribuisaun ai-han ne’e ba sira” nia hatete.

Kordinator Programa Pradet Fatin Hakmatek Suai, Imelda Imaculada Moreira, hatete durante ne’e Fatin Hakmatek Suai ho parseiru sira lao’s apoiu de’it aihan ba vitima sira maibe servisu hamutuk ho parseiru hanesan KAEBAUK no Ministeriu Agrikultura fo mos formasaun ba vitima sira liliu konaba haki’ak animal, halo to’os no natar, no husi KAEBAUK nian fo formasaun konaba oinsa atu bele halo jestaun di’ak ba orsamentu.

Jornalista : Julio Salinas

Editor : Chamot Nahac