COVALIMA—-Akademista husi Uuniversidade Oriental Timor Leste (UNITAL), Dr. Manuel Goncalves Mauhura, hatete konflitu mosu no joben ho joven oho malu, tuda malu bebeik liliu iha sidade Dili tanba haree husi aspetu ida agora ne’e lideransa sira laiha ona hakraik-an ba malu, tanba ne’e formasaun lideransa ba foin sae sira ne’e importante tebes.
“Ami haree katak ita nia lideransa sira ne’e bele dehan agora ne’e buat ida hakraik-an ne’e ladun iha ona, ita nia lideransa sira ne’e buat ida serbi ne’e hanesan deklarasaun karik, ne’e ami suspeita, husi buat sira ne’e mak mosu insatisfasaun husi ita nia joven sira para depois ita haree mosu estrume iha fatin ida ne’e, iha fatin ida ne’eba liliu iha Dili laran, informa Xefe Programa Manuel Goncalves Mauhuru, ba jornalista sira hafoin iha salaun Administrasaun Munisípiu Covalima Sabadu (28/01).
Mauhura afirma kuandu halo investigasaun klean mais profunda joven sira ne’ebe mete problema ne’e laos joven sira mai husi familia sira ne’ebe ekonomia baixu lae, maibe joven sira ne’e mai husi familia sira ekonomia as.
Nia dehan parte akademiku iha momentu sira hanesan ne’e haree iha variabel rua, variabel ida maka lideransa sira laos lideransa iha nasional deit maibe mos lideransa sira iha munisipiu sira mos dala ruma ladun merakyat (la hakraik-an) tanba bainhira joven sira halo konfrontu lideransa lao fila kotu, ida ne’e signifika la hakraik-an atu ba resolve.
Ida ne’e ligadu kedas ho oinsa serbi ne’e, dala ruma maluk ida susar iha sorin lideransa ne’e mak loloos hatudu ezemplu diak liu.
Nia dehan ko’alia kona ba lideransa ne’e la ses husi desizaun, se lideransa ne’ebe diak foti desizaun mais analiza no desizaun ne’e serteza no diak.
Mas lideransa ne’ebe ladiak entaun fori desizaun dada-dada ikus mai sada mak akontese esperiénsia iha tinan ida ka rua liu ba mosu Covid-19, no oras ne’e mosu konfrontu tuda malu iha Dili laran no mos iha munisipiu balu akontese.(Azu)
