Covalima-21-08-20- Komunidade iha Aldeia Tudulpo, Suco Beco, Postu Administrativu Suai, Municipio Covalima, husu ba Ministerio Edukasaun atu reativa hikas Eskola Basica Filial (EBF) Tudulpo ne’ebe taka “la ativa” durante ne’e.
Xefe Suco Beco Arlindo Bernardino Lemos, afirma diretor Eskola Basico Filial (EBF) Tudulpo disidi taka eskola ne’e seim halo konsultasaun ho inan/aman estudantes sira no mos autoridade sira iha suco.
“kona ba escola reprezenta aldeia ida nia naran iha ne’e agora dadaun planu ministerio edukasaun ninia ne’e ami la hatene tamba saida estudante sira iha professor/a sira la mai hanorin tamba saida estudante quintu ano ho sextu ano sira dada hotu ba iha sentru eskola basico central (ebc) fatin ida ne’e eskola diak ema iha fatin hotu-hotu eziji dehan eskola ne’e mak importante agora estutante sira iha ne’e abandona sira nia edukasaun tamba professor/a la mai hanorin iha eskola ida ne’e.” katak sefe Suco Beco Arlindo Bernardino Lemos.
Relasiona ho problema ne’e Xefe Aldeia Tudulpo Helena Amaral, ezizi ba Ministerio Educasaun atu bele reatifa hikas sira nia eskola Escola Basiku Filial Tudulpo, ho rejaun alunus sira nebe mak hela iha Aldeia refere, maioria idade mesak ki’ik, tamba ne’e sira labele ba eskola iha Eskola Basico Central Gala, tamba la’o liu husi ai-laran fiuk, no tenki sa’e tun foho ho distansia ne’ebe do’ok maijumenus kilo metru hitu (7).
“Ha’u nudar Xefe Aldeia husu ba Xefe edukasaun atu kontinua nafatin ezizi atu loke fali eskola EBF Tudulpo ne’e, tamba hare ba ita nia labarik mesak ki’ik atu lao ba eskola iha EBF Gala nebe dok husi sira nia hela fatin(aldeia Tudulpu), no alunus sira eskola mos la’o liu husi ai-laran fuik no dok kuaze kilo metro hitu. Dehan Xefe Aldeia Helena.
Hatan preokupasaun ne’e Diretor Servisu Municipal Edukasaun Municipio Covalima Edmundus Ferreira, katak Eskola Basico Filial (EBF) Tudulpo ne’e la’os taka maibe ninia aktividade aprendiazen mak sei suspende provijoriamente, tamba estudantes iha eskola refere ninia numeru seidauk priense kriteria tuir lei Edukasaun nian nebe iha.
“EBF Tudulpo agora la taka maibe aktividade aprendizazem ne’e maka ita suspende provijoriamente tamba numeru estudante la priense tuir kriteria, tanba lolos ne’e tuir lei minimo kada turma ida tenki iha alunus na’in sanulu resin lima ( 15 ), maibe iha EBF Tudulpo husi kelas ida ba klase ne’en, ema nain sanulu resin rua deit ba tinan ne’e, tan ne’e hafoin ami ba hare hamotuk kona ba asuntu ho diretora nasional ensino basiku to’o iha Tudulpo ne’eba, Diretora foti desizaun provijoriante.” Dehan diretor Eduksaun Municipio Covalima Edmundus Ferreira.
Jornalista : Jhony
Editor : Chamot Nahac
